|    Aug 18 Sat, 2018 12:13 am
FLASH NEWS
Home   >  Kerala   >  

കൊച്ചി മെട്രോ പൊതു ജനത്തിന് തുറന്നുകൊടുക്കന്നത് 19 മുതല്‍

Published : 14th June 2017 | Posted By: G.A.G

കൊച്ചി: കേരളത്തിന്റെ സ്വപ്‌ന പദ്ധതിയായ കൊച്ചി മെട്രോ ഈ മാസം 17 ന് ഉദ്ഘാടനം ചെയ്യുമെങ്കിലും പൊതുജനത്തിന് ഗതാഗതത്തിനായി തുറന്നു കൊടുക്കുക 19 മുതലായിരിക്കും. 19 ന് രാവിലെ ആറുമുതല്‍ ആരംഭിക്കുന്ന സര്‍വീസ് മുതല്‍ പൊതുജനത്തിന് പ്രവേശനം അനുവദിക്കുമെന്ന് കൊച്ചി മെട്രോ റെയില്‍ കോര്‍പറേഷന്‍(കെഎംആര്‍എല്‍) എംഡി ഏലിയാസ് ജോര്‍ജ് മാധ്യമ പ്രവര്‍ത്തകരോട് പറഞ്ഞു.രാവിലെ ആറു മുതല്‍ രാത്രി 10 വരെയായിരിക്കും ആദ്യഘട്ടത്തില്‍ മെട്രോ സര്‍വീസ് നടത്തുക.റീ ചാര്‍ജ് ചെയ്ത് ഉപയോഗിക്കാന്‍ കഴിയുന്ന കൊച്ചി വണ്‍ കാര്‍ഡ് സംവിധാനം കൊച്ചി മെട്രോ ഉദ്ഘാടന വേളയില്‍ പുറത്തിറക്കുമെങ്കിലും ഇത് യാത്രക്കാര്‍ക്ക് ഉടന്‍ ഉപയോഗിക്കാന്‍ കഴിയില്ല.ക്യൂ ആര്‍ കോഡ് ഉപയോഗിച്ചുള്ള ടിക്കറ്റുകളായിരിക്കും യാത്രയക്ക് ആദ്യ ഘട്ടത്തില്‍ ഉപയോഗിക്കാന്‍ കഴിയുക.ജനത്തിരക്ക് നോക്കിയതിനു ശേഷമായിരിക്കും കാര്‍ഡ് നല്‍കി തുടങ്ങുകയെന്ന് ഏലിയാസ് ജോര്‍ജ് പറഞ്ഞു.നാലരവര്‍ഷമായി നടന്ന ഒരു ടീം വര്‍ക്കിന്റെ ഫലമാണ് കൊച്ചി മെട്രോയെന്നും ലോകത്തിലെ തന്നെ ഏറ്റവും മികച്ച മെട്രോയാണ് കൊച്ചി മെട്രോയെന്നും ഏലിയാസ് ജോര്‍ജ് പറഞ്ഞു

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss