|    Oct 24 Wed, 2018 10:50 am
FLASH NEWS

കൊച്ചിയില്‍ നിന്നുള്ള രണ്ട് ബോട്ടുകള്‍ അഴീക്കലില്‍

Published : 5th December 2017 | Posted By: kasim kzm

കണ്ണൂര്‍: കൊച്ചിയില്‍നിന്ന് മല്‍സ്യബന്ധനത്തിനു പോയി ഓഖി ചുഴലിക്കാറ്റില്‍ ആഴക്കടലില്‍ കുടുങ്ങിയ രണ്ടു ബോട്ടുകള്‍ അഴീക്കലില്‍ തിരിച്ചെത്തി. ഇന്നലെ രാവിലെ ഒമ്പതോടെ ഒമ്പതുപേരടങ്ങുന്ന മാര്‍ത്തോമ ബോട്ടും വൈകീട്ട് ആറോടെ മറ്റൊരു ബോട്ടുമാണ് ഹാര്‍ബറില്‍ എത്തിയത്.
കൊച്ചിയില്‍നിന്ന് ബുധനാഴ്ച പുറപ്പെട്ട മാര്‍ത്തോമ ബോട്ട് ചുഴലിക്കാറ്റിനെ തുടര്‍ന്ന് കര്‍ണാടകയിലെ മല്‍പ്പ തീരത്ത് അടുപ്പിക്കുകയായിരുന്നു. പിന്നീട് കാറ്റിന്റെ ശക്തി കുറഞ്ഞതോടെയാണ് അഴീക്കല്‍ ഹാര്‍ബറില്‍ എത്തിയത്. ഇന്നലെ വൈകീട്ട് എത്തിയ ബോട്ടില്‍ രണ്ടു മലയാളികള്‍ ഉള്‍പ്പെടെ 10 പേരാണുള്ളത്. 15 ദിവസം മുമ്പ് കൊച്ചിയില്‍ നിന്ന് പുറപ്പെട്ട സംഘം കാറ്റില്‍പ്പെട്ട് കര്‍ണാടകയിലെ കാര്‍വാറില്‍ അടുപ്പിക്കുകയായിരുന്നു. പിന്നീടാണ് കണ്ണൂരിലെത്തിയത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss