|    Nov 15 Thu, 2018 8:51 pm
FLASH NEWS

കൈയേറ്റം കണ്ടെത്താന്‍ സര്‍വേ മൂന്നാം ദിവസത്തിലേക്ക്

Published : 16th May 2018 | Posted By: kasim kzm

ഇരിട്ടി: കെഎസ്ടിപിയുടെ നേതൃത്വത്തിലുള്ള തലശേരി-വളവുപാറ റോഡ് നവീകരണത്തിന്റെ ഭാഗമായി ഇരിട്ടി ടൗണിലെ കൈയേറ്റം കണ്ടെത്താനായി റവന്യു വകുപ്പിന്റെയും കെഎസ്ടിപിയുടെയും നേതൃത്വത്തില്‍ സംയുക്ത സര്‍വേ അന്തിമഘട്ടത്തിലേക്ക്.
രണ്ടാം ദിനത്തില്‍ പഴയ പാലം ജങ്ഷന്‍ മുതല്‍ മേലേ സ്റ്റാന്റ് വരെയുള്ള പരിശോധന പൂര്‍ത്തിയാക്കി. മൂന്നുദിവസം ലക്ഷ്യമിട്ടാണ് റവന്യു വകുപ്പ് സര്‍വേ ആസൂത്രണം ചെയ്തതെങ്കിലും വിശദമായ പരിശോധന വേണ്ടതിനാല്‍ സമയം കൂടുതല്‍ എടുക്കുകയാണ്. കണ്ടെത്തിയ വിവരങ്ങള്‍ വച്ച് ഇന്ന് കംപ്യൂട്ടറില്‍ രേഖാ ചിത്രം തയ്യാറാക്കും.
നാളെ  കൈയേറ്റം എവിടെ വരെയുണ്ടെന്ന് വ്യക്തമാക്കി അടയാളപ്പെടുത്തും. ജില്ലാ ഹെഡ് സര്‍വെയര്‍ മുഹമ്മദ് ഷെരീഫീന്റെ നേതൃത്വത്തില്‍ റവന്യു വകുപ്പിന്റെയും കെഎസ്ടിപിയുടെയും 15 അംഗ സംഘമാണ് സര്‍വേ നടത്തുന്നത്. കൈയേറ്റം കണ്ടെത്തി പൊളിച്ച ശേഷം മാത്രമേ നഗരത്തിലെ റോഡ് വികസനം നടത്താനാവൂ. നഗരത്തിനു രണ്ടുവശവും റോഡ് നിര്‍മാണം പൂര്‍ത്തീകരണഘട്ടത്തില്‍ എത്തിയിട്ടും ഇരിട്ടിയില്‍ നിര്‍മാണ പ്രവൃത്തികള്‍ അനിശ്ചിതത്വത്തിലാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss