|    Feb 22 Thu, 2018 4:28 pm
FLASH NEWS
Home   >  Todays Paper  >  Page 1  >  

കേസുകളുടെ വിശകലനങ്ങള്‍ ഉള്‍പ്പെടുത്താന്‍ ഡിജിപി നിര്‍ദേശം

Published : 14th May 2017 | Posted By: fsq

 

തിരുവനന്തപുരം: പോലിസ് ഉദ്യോഗസ്ഥര്‍ക്കുള്ള പരിശീലന പട്ടികയില്‍ പ്രതികള്‍ക്ക് ശിക്ഷ ലഭിച്ചതും വെറുതെവിട്ടതുമായ പ്രധാന കേസുകളുടെ വിശകലനം കൂടി ഉള്‍പ്പെടുത്തണമെന്ന് കേരള പോലിസ് അക്കാദമി ഡയറക്ടര്‍, പോലിസ് ട്രെയിനിങ് കോളജ് പ്രിന്‍സിപ്പല്‍ എന്നിവര്‍ക്ക് സംസ്ഥാന പോലിസ് മേധാവി ടി പി സെന്‍കുമാര്‍ നിര്‍ദേശം നല്‍കി. സൗമ്യ വധക്കേസ് പോലെ അന്തിമവിധി പ്രസ്താവിച്ച കേസുകളാണ് ഇപ്രകാരം വിശകലനത്തിനായി പരിശീലനപരിപാടികളില്‍ ഉള്‍പ്പെടുത്തേണ്ടത്.  കേസന്വേഷണം, വിചാരണ എന്നിവയുമായി ബന്ധപ്പെട്ട് വധശിക്ഷ ഒഴിവാക്കാതിരിക്കാനോ ഒഴിവാക്കാനോ ഉള്ള കാരണങ്ങള്‍, ഇത്തരം കേസുകളില്‍നിന്ന് ഭാവിയില്‍ ഉള്‍ക്കൊള്ളേണ്ട പാഠങ്ങളെന്ത് തുടങ്ങിയവ ശരിയായി പഠനവിധേയമാക്കി പരിശീലനത്തില്‍ വിശദീകരിക്കണം. വിരമിച്ച പോലിസ് ഉദ്യോഗസ്ഥര്‍, നിയമ വിദഗ്ധര്‍ എന്നിവരുടെ സേവനം ഇതിനായി ഉപയോഗപ്പെടുത്തണമെന്നും സംസ്ഥാന പോലിസ് മേധാവി നിര്‍ദേശിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss