|    May 27 Sat, 2017 10:06 am
FLASH NEWS

കേരളാ കോണ്‍ഗ്രസ് (എം)ല്‍ നിന്ന് രാജിവച്ചു

Published : 8th March 2016 | Posted By: SMR

കോട്ടയം/തിരുവനന്തപുരം: കേരളാ കോണ്‍ഗ്രസ് (എം) സെക്രട്ടേറിയറ്റംഗം സ്റ്റീഫന്‍ ചാമപ്പറമ്പില്‍ പാര്‍ട്ടിയില്‍നിന്നു രാജിവച്ചു. കെ എം മാണിയുടെയും ജോസ് കെ മാണിയുടെയും നേതൃത്വത്തിലുള്ള പ്രൈവറ്റ് ലിമിറ്റഡ് കമ്പനിയായി പാര്‍ട്ടി മാറിയെന്നു അദ്ദേഹം വാര്‍ത്താസമ്മേളനത്തില്‍ ആരോപിച്ചു. പാര്‍ട്ടി നേതാക്കള്‍ക്കുപോലും ജോസ് കെ മാണിയുടെ അനുവാദമില്ലാതെ മാണിയെ കാണാന്‍ കഴിയാത്ത അവസ്ഥയാണെന്നും അദ്ദേഹം പറഞ്ഞു.
സംസ്ഥാന സെക്രട്ടേറിയറ്റംഗമായ ജി സാം, ആലപ്പുഴ ജില്ലാ സെക്രട്ടറി ജോര്‍ജ് മത്തായി എന്നിവരും രാജിവച്ചു. കെഎസ്‌സി (എം) സംസ്ഥാന പ്രസിഡന്റ് ആന്‍സണ്‍ ആന്റണി, യൂത്ത് ഫ്രണ്ട് (എം) മുന്‍ സംസ്ഥാന ജനറല്‍ സെക്രട്ടറി മൈക്കിള്‍ ജയിംസ് എന്നിവരും രാജിവച്ചു. തിരുവനന്തപുരത്ത് സംസ്ഥാന ജനറല്‍ സെക്രട്ടറി വാമനപുരം പ്രകാശ് കുമാര്‍ ഉള്‍പ്പടെയുള്ള നേതാക്കളാണ് മാണി ഗ്രൂപ്പില്‍നിന്ന് രാജിവെച്ചത്. ഫ്രാന്‍സിസ് ജോര്‍ജ് നയിക്കുന്ന കേരളാ കോണ്‍ഗ്രസ്സിന് പിന്തുണ പ്രഖ്യാപിച്ചാണ് ഇവര്‍ മാണി ഗ്രൂപ്പില്‍ നിന്നു രാജിവച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day