|    Jan 25 Wed, 2017 12:59 am
FLASH NEWS

കേരളത്തിന് വീണ്ടും ദേശീയ പുരസ്‌കാരം

Published : 18th April 2016 | Posted By: G.A.G

തിരുവനന്തപുരം : പഞ്ചായത്ത് രാജ് സംവിധാനം കാര്യക്ഷമമായി നടപ്പാക്കിയ ഏറ്റവും മികച്ച സംസ്ഥാനത്തിനുള്ള ദേശീയ ബഹുമതിക്ക് കേരളം വീണ്ടും അര്‍ഹമായി. ഇത് സംബന്ധിച്ച അറിയിപ്പ് കേന്ദ്ര പഞ്ചായത്ത് രാജ് മന്ത്രാലയത്തില്‍ നിന്നും സംസ്ഥാന ഗവണ്‍മെന്റിന് ലഭിച്ചു. തുടര്‍ച്ചയായി രണ്ടാം തവണയാണ് കേരളം ഒന്നാം സ്ഥാനത്തിനര്‍ഹമാകുന്നത്. അധികാരവികേന്ദ്രീകരണ സൂചികയില്‍ കേരളം ഉന്നത സ്ഥാനത്താണെന്ന് 201516 ലെ ഇതു സംബന്ധിച്ച കേന്ദ്ര അവലോകനം വിലയിരുത്തി. ഫണ്ട,് ചുമതലകള്‍, ഉദ്യോഗസ്ഥ സംവിധാനം എന്നിവയിലെ വികേന്ദ്രീകരണം പ്രത്യേകം അപഗ്രഥനാത്മകമായി. തദ്ദേശഭരണ വകുപ്പിലെ എല്ലാ ഉദ്യോഗസ്ഥരുടെയും ത്രിതല പഞ്ചായത്തുകളുടെ ഏകോപിത പ്രവര്‍ത്തനവുമാണ് കേരളത്തെ അവാര്‍ഡിന് അര്‍ഹമാക്കിയതെന്ന് പഞ്ചായത്ത് സാമൂഹ്യനീതി വകുപ്പ് മന്ത്രി ഡോ.എം.കെ.മുനീര്‍ പറഞ്ഞു. വരും വര്‍ഷങ്ങളിലും കേരളം ഒന്നാം സ്ഥാനം നിലനിര്‍ത്തത്തക്കവിധം പഞ്ചായത്ത്‌രാജ് സംവിധാനം ശാക്തീകരിക്കാന്‍ നമുക്ക് കഴിഞ്ഞുവെന്നും അദ്ദേഹം പറഞ്ഞു. പുരസ്‌കാര ലബ്ധിയില്‍ ഏറെ സന്തോഷവും ചാരിതാര്‍ത്ഥ്യവും മന്ത്രി പ്രകടിപ്പിച്ചു. ബന്ധപ്പെട്ടവരെ പ്രത്യേകം അനുമോദിക്കുന്നതായും മന്ത്രി ഡോ.മുനീര്‍ അറിയിച്ചു.
ജാഷെഡ്പൂരില്‍ നടക്കുന്ന ചടങ്ങില്‍ പ്രധാനമന്ത്രിയില്‍ നിന്നും ഏപ്രില്‍ 24 ന് പഞ്ചായത്ത് സാമൂഹ്യനീതി വകുപ്പ് മന്ത്രി ഡോ. മുനീര്‍ പുരസ്‌കാരം ഏറ്റുവാങ്ങും.

Share on FacebookShare on Google+Tweet about this on TwitterShare on LinkedIn
(Visited 190 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക