|    May 24 Wed, 2017 6:12 am
FLASH NEWS

കേരളം തിരിച്ചടിക്കുന്നു

Published : 24th November 2015 | Posted By: SMR

പെരിന്തല്‍മണ്ണ: സൗരാഷ്ട്രക്കെതിരായ രജ്ഞിട്രോഫി ക്രിക്കറ്റ് മല്‍സരത്തില്‍ കേരളം ശക്തമായ നിലയില്‍. ആദ്യ ഇന്നിങ്‌സില്‍ 62.2 ഓവര്‍ ബാറ്റ് ചെയ്ത കേരളം 166 റണ്‍സിന് പുറത്തായി. മറുപടി ബാറ്റിങിനിറങ്ങിയ സൗരാഷ്ട്ര ആദ്യ ദിനം സ്റ്റംമ്പെടുക്കുമ്പോള്‍ ആറ് വിക്കറ്റ് നഷ്ടത്തില്‍ 55 റണ്‍സെന്ന നിലയിലാണ്.
ഓപ്പണര്‍ വി എ ജഗദീഷിന്റെ ബാറ്റിങ് മികവിലാണ് (59) കേരളം മാന്യമായ സ്‌കോര്‍ പടുത്തുയര്‍ത്തിയത്. 134 പന്തില്‍ നിന്നും ആറു ബൗണ്ടറികളും ഒരു സിക്‌സറുമടങ്ങുന്നതാണ് ജഗദീഷിന്റെ ഇന്നിങ്‌സ്. നാല്‍പതാം ഓവറില്‍ സ്‌കോര്‍ 120ലെത്തി നില്‍ക്കേ ചിരാഗ് ജനിയുടെ പന്തില്‍ ജഗദീഷ് എല്‍.ബി ഡബ്ല്യുവില്‍ കുടുങ്ങി. പിന്നീടെത്തിയ ബാറ്റ്‌സ്മാന്‍മാരില്‍ ഫാബിദ് അഹമ്മദി (25)നു മാത്രമാണ് അല്‍പമെങ്കിലും പിടിച്ചു നില്‍ക്കാനായത്.
മറുപടി ബാറ്റിങ്ങിനിറങ്ങിയ സൗരാഷ്ട്രയും തകര്‍ച്ചയോടെയാണ് തുടങ്ങിയത്. ആദ്യ ദിനം കളി നിര്‍ത്തുമ്പോള്‍ റണ്‍സൊന്നുമെടുക്കാതെ സൂര്യ സനന്‍ദിയയും സമര്‍ത്ത് വ്യാസുമാണ് ക്രീസിലുള്ളത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day