|    Jan 17 Tue, 2017 4:38 pm
FLASH NEWS

കേന്ദ്രമന്ത്രിയെയും വൈസ് ചാന്‍സലറെയും പുറത്താക്കണം: കെപിസിസി

Published : 20th January 2016 | Posted By: SMR

തിരുവനന്തപുരം: ഗവേഷണ വിദ്യാര്‍ഥി രോഹിത് വെമുലയുടെ ആത്മഹത്യക്ക് ഉത്തരവാദികളായ കേന്ദ്രമന്ത്രി ബന്ദാരു ദത്താത്രേയയെയും വൈസ് ചാന്‍സലറെയും പുറത്താക്കണമെന്ന് കെപിസിസി വക്താവ് പന്തളം സുധാകരന്‍. മോദി സര്‍ക്കാരിന്റെ ദലിത്‌വിരുദ്ധ മുഖമാണ് ഹൈദരാബാദ് സര്‍വകലാശാല അധികൃതരുടെ നടപടിയിലൂടെ പുറത്തുവന്നത്. ഉന്നതവിദ്യാഭ്യാസ മേഖലയില്‍ നിന്ന് ദലിത് കുട്ടികളെ ഒഴിവാക്കുന്നതിനു വേണ്ടി അവരെ പീഡിപ്പിക്കുകയും കള്ളക്കേസ് ഉണ്ടാക്കുകയും ചെയ്യുന്നു.
ദലിതരെ വേട്ടയാടുന്ന സവര്‍ണ ഫാഷിസ്റ്റ് നീക്കത്തെ മോദി സര്‍ക്കാര്‍ പ്രോല്‍സാഹിപ്പിക്കുന്നതിന്റെ ഒടുവിലത്തെ ഉദാഹരണമാണ് രോഹിതിന്റെ ആത്മഹത്യ. സര്‍വകലാശാലാ സ്വയംഭരണത്തിന്റെ മറവില്‍ സാമൂഹിക നീതി നിഷേധത്തെ ന്യായീകരിക്കാനുള്ള കേന്ദ്ര മാനവവിഭവ ശേഷി മന്ത്രിയുടെ നിലപാടു ഭയാനകമാണ്. കഴിഞ്ഞ നാലു വര്‍ഷത്തിനുള്ളില്‍ പതിനെട്ടിലധികം ദലിത് വിദ്യാര്‍ഥികളുടെ ജീവന്‍ അപഹരിക്കപ്പെട്ടതായി മാധ്യമങ്ങള്‍ വെളിപ്പെടുത്തിയിട്ടും ഭരണാധികാരികള്‍ മൗനം പാലിക്കുന്നത് ദലിത് സമൂഹത്തില്‍ ആശങ്കയുണ്ടാക്കുന്നു.
പാവപ്പെട്ടവരില്‍ ഭീതി വിതയ്ക്കുന്ന ദലിത്‌വിരുദ്ധ ബിജെപി ഭരണത്തിനെതിരേ ഹൃദയത്തില്‍ നന്മയുള്ളവര്‍ പ്രതികരിക്കണമെന്നും സുധാകരന്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 62 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക