|    Jan 18 Wed, 2017 5:31 pm
FLASH NEWS

കേന്ദ്രമന്ത്രിയുടെ ഭാര്യ ഇന്‍ഫോസിസ് ഭരണസമിതിയില്‍

Published : 15th January 2016 | Posted By: SMR

ന്യൂഡല്‍ഹി: കേന്ദ്ര ധനകാര്യ സഹമന്ത്രിയുടെ ഭാര്യയെ ഇന്‍ഫോസിസ് ഡയറക്ടര്‍ ബോര്‍ഡി ല്‍ അംഗമാക്കിയത് വിവാദമാവുന്നു. ധനകാര്യ സഹമന്ത്രി ജയന്ത് സിന്‍ഹയുടെ ഭാര്യ ഡോ. പൂനിയ സിന്‍ഹയെയാണ് ഇന്‍ഫോസിസിലെ സ്വതന്ത്ര ഡയറക്ടറായി ഭരണസമിതിയില്‍ അംഗമാക്കിയത്. സംഭവം ഇപ്പോള്‍ സാമൂഹിക മാധ്യമങ്ങളില്‍ ചൂടേറിയ ചര്‍ച്ചകള്‍ക്കു വഴിവച്ചിട്ടുണ്ട്.
ഇന്ത്യയിലെ രണ്ടാമത്തെ പ്രമുഖ പുറംകരാര്‍ കമ്പനിയായ ഇന്‍ഫോസിസ് ഡോ. പൂനിയയെ ഭരണസമിതിയില്‍ ഉള്‍പ്പെടുത്തിയത് സാമ്പത്തിക സഹമന്ത്രിയുടെ ഭാര്യ ആയതുകൊണ്ട് മാത്രമാണെന്നാണ് ആരോപണം.
അതേസമയം, 53കാരിയായ ഡോ. പൂനിയ യുഎസിലടക്കം നിരവധി പ്രമുഖ കമ്പനികളില്‍ 25 വര്‍ഷത്തിലധികം പ്രവര്‍ത്തിച്ചിട്ടുണ്ട്. എസ്‌കെഎസ്, മൈക്രോ ഫിനാന്‍സ്, ശോഭ ലിമിറ്റഡ് എന്നിവയിലും ഭരണസമിതി അംഗമായിരുന്നു.
അതേസമയം, യുപിഎ ഭരണകാലത്ത് അന്നത്തെ ധനമന്ത്രി പി ചിദംബരത്തിന്റെ ഭാര്യ ആദായനികുതി വകുപ്പില്‍ അംഗമായിരുന്നതിനെ ചൂണ്ടിക്കാട്ടി മറുവിഭാഗം ആരോപണങ്ങളെ പ്രതിരോധിക്കുന്നുണ്ട്. ജയന്ത് സിന്‍ഹയുടെ ഭാര്യ എന്നതിലുപരി ഇന്ത്യയിലെ പ്രമുഖ നിക്ഷേപക എന്ന നിലയിലാണ് പൂനിയ അറിയപ്പെടുന്നതെന്നും ഇവര്‍ പറയുന്നു.

Share on FacebookShare on Google+Tweet about this on TwitterShare on LinkedIn
(Visited 54 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക