|    Jan 22 Sun, 2017 9:24 am
FLASH NEWS

കേന്ദ്രമന്ത്രിയുടെ പ്രസ്താവന ധിക്കാരപരം: രമേശ് ചെന്നിത്തല

Published : 24th May 2016 | Posted By: SMR

തിരുവനന്തപുരം: അക്രമികളെ തെരുവില്‍ നേരിടുമെന്ന കേന്ദ്രമന്ത്രിയും ബിജെപി നേതാവുമായ രവിശങ്കര്‍ പ്രസാദിന്റെ പ്രസ്താവന ധിക്കാരപരമെന്ന് രമേശ് ചെന്നിത്തല. ഒരു കേന്ദ്രമന്ത്രി ഇത്തരം തരംതാണ പ്രസ്താവന നടത്താന്‍ പാടില്ലായിരുന്നു. തന്റെ പദവിയെക്കുറിച്ച് ബോധമില്ലാതെ ഒരു ആര്‍എസ്എസ് പ്രചാരകന്റെ ഭാഷയിലാണ് അദ്ദേഹം സംസാരിച്ചത്.
ബിജെപിയുടെ ഉത്തരവാദിത്തബോധമില്ലാത്ത ഇത്തരം സമീപനം അംഗീകരിക്കാന്‍ കഴിയില്ല. പ്രവര്‍ത്തകരെ അക്രമത്തിനു പ്രോല്‍സാഹിപ്പിക്കുന്ന പ്രവണത ഗുരുതരമായ പ്രത്യാഘാതങ്ങള്‍ വിളിച്ചുവരുത്തും. കേന്ദ്രം ഭരിക്കുന്നത് ബിജെപിയാണെന്ന ചില മുതിര്‍ന്ന ബിജെപി നേതാക്കളുടെ ജല്‍പ്പനങ്ങള്‍ ഇന്ത്യയുടെ ഫെഡറല്‍ സംവിധാനത്തോടും ഭരണഘടനയോടുമുള്ള വെല്ലുവിളിയാണ്. സമാധാന ജീവിതത്തിന് ഭീഷണിയുയര്‍ത്തുന്ന അക്രമപരമ്പരകള്‍ ബിജെപിയും സിപിഎമ്മും അവസാനിപ്പിക്കണം. വര്‍ഗീയതയുടെ വിത്ത് വിതച്ച് അധികാരത്തില്‍ എത്തിയ ബിജെപിയുടെ ഒരു മന്ത്രിയില്‍നിന്നും ഇതില്‍കൂടുതല്‍ ഒന്നും പ്രതീക്ഷിക്കുന്നില്ലെന്നും ചെന്നിത്തല വാര്‍ത്താക്കുറിപ്പില്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 33 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക