|    Jan 22 Mon, 2018 12:07 pm
Home   >  Todays Paper  >  Page 1  >  

കെ ബാബുവിനെതിരേ ശിവന്‍കുട്ടി വക്കീല്‍ നോട്ടീസയച്ചു

Published : 1st February 2016 | Posted By: SMR

തിരുവനന്തപുരം: മന്ത്രി കെ ബാബുവില്‍ നിന്ന് ഒരുകോടി രൂപ നഷ്ടപരിഹാരമാവശ്യപ്പെട്ട് ഹൈക്കോടതി അഭിഭാഷകനായ സി പി ഉദയഭാനു മുഖേന വി ശിവന്‍കുട്ടി എംഎല്‍എ നോട്ടീസ് നല്‍കി. തൃശൂര്‍ വിജിലന്‍സ് കോടതി വിധിയെ തുടര്‍ന്ന് ബാര്‍ കോഴക്കേസില്‍ മന്ത്രിസ്ഥാനം രാജിവച്ച ശേഷം കെ ബാബു നടത്തിയ വാര്‍ത്താസമ്മേളനത്തില്‍ വി ശിവന്‍കുട്ടി എംഎല്‍എയുടെ വീട്ടില്‍വച്ച് ബാര്‍ അസോസിയേഷന്‍ ഭാരവാഹികളുമായി നടത്തിയ ഗൂഢാലോചനയുടെ ഭാഗമായാണ് ഇങ്ങനെയൊരു കേസുണ്ടായതെന്ന് ആരോപിച്ചിരുന്നു.
തന്നെ അപകീര്‍ത്തിപ്പെടുത്താനും ബാബു വാങ്ങിയ കോടികളുടെ കോഴ പ്രതിരോധിക്കാനും നടത്തിയതാണ് ഈ പ്രസ്താവനയെന്ന് ശിവന്‍കുട്ടി പറഞ്ഞു. തുടരന്വേഷണം ഉദ്യോഗസ്ഥര്‍ അട്ടിമറിക്കുന്ന പക്ഷം തുടര്‍നടപടികളുമായി താന്‍ മുന്നോട്ടുപോവുമെന്ന ബാബുവിന്റെ ആശങ്ക കൂടി ഇതിലുണ്ട്.
ഇതുമൂലം തനിക്കുണ്ടായ മാനനഷ്ടത്തിന് പരിഹാരമായി ഒരുകോടി രൂപ നല്‍കുകയോ നോട്ടീസ് ലഭിച്ച് 15 ദിവസത്തിനകം പ്രസ്താവന പിന്‍വലിച്ച് ഖേദം പ്രകടിപ്പിക്കുകയോ ചെയ്തില്ലെങ്കില്‍ സിവില്‍, ക്രിമിനല്‍ കേസായി കോടതിയെ സമീപിക്കുമെന്നും ശിവന്‍കുട്ടി വ്യക്തമാക്കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day