|    Nov 20 Mon, 2017 3:01 pm
FLASH NEWS
Home   >  Todays Paper  >  Page 4  >  

കെ പി ശശികല സ്‌കൂളിലെത്തിയാല്‍ തടയാനൊരുങ്ങി വിദ്യാര്‍ത്ഥികളും നാട്ടുകാരും

Published : 6th November 2016 | Posted By: Navas Ali kn

sasikala

വര്‍ഗ്ഗീയ വിദ്വേഷം പ്രചരിപ്പിക്കുന്നതിനെതിരേ പോലിസ് കേസെടുത്ത ഹിന്ദു ഐക്യവേദി നേതാവ് കെ പി ശശികല വലപ്പുഴ ഗവ.എച്.എസ്.എസിലെത്തിയാല്‍ തടയാനൊരുങ്ങി വിദ്യാര്‍ത്ഥികളും അധ്യാപകരും. താന്‍ പഠിപ്പിക്കുന്ന സ്‌കൂള്‍ പാക്കിസ്താനാണെന്ന് ശശികല അഭിപ്രായപ്പെട്ടിരുന്നു. ഇതില്‍ പ്രതിഷേധിച്ചും വര്‍ഗ്ഗീയനിലപാടുള്ള അധ്യാപിക പഠിപ്പിക്കണ്ടതില്ല എന്നാവശ്യപ്പെട്ടുമാണ് വിദ്യാര്‍ത്ഥികളുള്‍പ്പടെയുള്ളവര്‍ ശക്തമായി സമരത്തിനിറങ്ങുന്നത്. തിങ്കളാഴ്ച്ച അവര്‍ സ്‌കൂളിലെക്കു വരുമ്പോള്‍ അകത്തുകടക്കാന്‍ അനുവദിക്കാതെ തടയുമെന്ന് സ്‌കൂള്‍ സംരക്ഷണ സമിതി അറിയിച്ചിട്ടുണ്ട്. ബിജെപി ഒഴികെയുള്ള എല്ലാ രാഷ്ട്രീയ പാര്‍ട്ടികളും ചേര്‍ന്ന് രൂപം നല്‍കിയതാണ് സ്‌കൂള്‍ സംരക്ഷണ സമിതി. പ്രധാനാധ്യാപകനായ മുസ്‌ലിം ലീഗ് പ്രവര്‍ത്തകന്‍ അവധിയില്‍ പോയതോടെ വൈസ് പ്രിന്‍സിപ്പലായ ശശികലക്കാണ് സ്‌കൂളിന്റെ ചുമതല. പാക്കിസ്താന്‍ പ്രയോഗത്തിലൂടെ സ്‌കൂളിലെ അപമാനിച്ച ശശികലയെ ഒരു കാരണവശാലും ഇനി സ്‌കൂളില്‍ പ്രവേശിക്കാന്‍ അനുവദിക്കില്ലെന്ന് നിലപാടിലാണ് രക്ഷിതാക്കളും നാട്ടുകാരും.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക