|    Aug 16 Thu, 2018 9:01 pm
Home   >  Todays Paper  >  Page 5  >  

കെ പി എ മജീദിന്റെ ലേഖനത്തിനെതിരേ സിപിഎം

Published : 12th July 2018 | Posted By: kasim kzm

കണ്ണൂര്‍: മുസ്‌ലിംലീഗ് ജനറല്‍ സെക്രട്ടറി കെ പി എ മജീദ് ചില പത്രങ്ങളില്‍ എഴുതിയ ലേഖനത്തിനെതിരേ സിപിഎം. ഇരിട്ടി നഗരസഭയും പരിയാരം ഗ്രാമപ്പഞ്ചായത്തും എസ്ഡിപിഐയുടെ പിന്തുണയോടെയാണ് സിപിഎം ഭരിക്കുന്നതെന്ന ലീഗ് നേതാവിന്റെ പ്രചാരണം ശുദ്ധ അസംബന്ധമാണെന്നു സിപിഎം കണ്ണൂര്‍ ജില്ലാ സെക്രട്ടേറിയറ്റ് പ്രസ്താവിച്ചു. ഇരിട്ടി നഗരസഭയിലെ 33 സീറ്റുകളില്‍ 30ല്‍ സിപിഎമ്മും മൂന്നില്‍ സിപിഐയുമാണ് മല്‍സരിച്ചിരുന്നത്. 13 സീറ്റുകളില്‍ സിപിഎമ്മും മുസ്‌ലിംലീഗ് 10 സീറ്റിലും കോണ്‍ഗ്രസ്സും ബിജെപിയും അഞ്ചുവീതം സീറ്റിലും വിജയിച്ചു. കോണ്‍ഗ്രസ്സിന്റെ ചെയര്‍മാന്‍ സ്ഥാനാര്‍ഥിക്ക് പിന്തുണ നല്‍കാനുള്ള തീരുമാനത്തില്‍ പ്രതിഷേധിച്ച് ലീഗിലെ ചില അംഗങ്ങള്‍ വിട്ടുനിന്നു.
തുടര്‍ന്നാണ് സിപിഎമ്മിലെ പി പി അശോകന്‍ ചെയര്‍മാനായത്. ഇവിടെ എസ്ഡിപിഐക്ക് കൗണ്‍സിലര്‍മാരില്ല. എന്നാല്‍, 11 സീറ്റുകളില്‍ എസ്ഡിപിഐ മല്‍സരിച്ചിരുന്നു. പരിയാരം പഞ്ചായത്തില്‍ ആകെയുള്ള 18 സീറ്റില്‍ സിപിഎമ്മിന് 11ഉം മുസ്‌ലിംലീഗിന് നാലും കോണ്‍ഗ്രസ്സിന് മൂന്നും സീറ്റുകളാണുള്ളത്. ഇവിടെ എസ്ഡിപിഐ മല്‍സരിച്ചിരുന്നില്ല. തരാതരം പോലെ ആര്‍എസ്എസുമായും പോപുലര്‍ ഫ്രണ്ടുമായും വോട്ടുകച്ചവടം ചെയ്യുന്ന പാര്‍ട്ടിയാണ് ലീഗെന്നും സിപിഎം പ്രസ്താവിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss