|    Mar 23 Thu, 2017 5:54 pm
FLASH NEWS

കെ ജി ബാലകൃഷ്ണന്റെ ബന്ധുക്കളുടെ ആദായ നികുതി; വിവരങ്ങള്‍ സമര്‍പ്പിക്കണമെന്ന് സര്‍ക്കാരിനോട് സുപ്രിംകോടതി

Published : 15th March 2016 | Posted By: SMR

ന്യൂഡല്‍ഹി: സുപ്രിംകോടതി മുന്‍ ചീഫ് ജസ്റ്റിസ് കെ ജി ബാലകൃഷ്ണന്റെ ബന്ധുക്കളുടെ ആദായ നികുതി വിവരങ്ങള്‍ നല്‍കാന്‍ സുപ്രിംകോടതി കേന്ദ്ര സര്‍ക്കാരിനോടാവശ്യപ്പെട്ടു. കെ ജി ബാലകൃഷ്ണന്‍ സുപ്രിംകോടതി ചീഫ് ജസ്റ്റിസ് ആയിരുന്നപ്പോഴും കേന്ദ്ര മനുഷ്യാവകാശ കമ്മീഷന്‍ ചെയര്‍പേഴ്‌സണ്‍ ആയിരുന്നപ്പോഴുമുള്ള ബന്ധുക്കളുടെ ആദായ നികുതി വിവരങ്ങളാണ് ജസ്റ്റിസ് ദീപക് മിശ്രയുടെ നേതൃത്വത്തിലുള്ള ബെഞ്ച് ആവശ്യപ്പെട്ടത്.
ജസ്റ്റിസ് കെ ജി ബാലകൃഷ്ണന്റെ ബന്ധുക്കള്‍ കേസില്‍ കക്ഷികളല്ലെന്ന് അറ്റോര്‍ണി ജനറല്‍ മുകള്‍ രോഹത്ഗി കോടതിയെ അറിയിച്ചതിനെ തുടര്‍ന്ന് ഇവരുടെ ആദായ നികുതി റിട്ടേണ്‍ സംബന്ധിച്ച വിവരങ്ങള്‍ ശേഖരിക്കാന്‍ കോടതി ആവശ്യപ്പെട്ടു. ഒരു സന്നദ്ധ സംഘടന സമര്‍പ്പിച്ച പൊതുതാല്‍പര്യ ഹരജി പരിഗണിക്കവെയാണ് കോടതി ഇക്കാര്യം ആവശ്യപ്പെട്ടത്. കുടുതല്‍ വാദം കേള്‍ക്കുന്നതിനായി ജുലൈ 12ന് കോടതി കേസ് പരിഗണിക്കും.
മകന്‍, മകള്‍, സഹോദരങ്ങള്‍ എന്നിവരുടെ പേരില്‍ 21 ഓളം സ്വത്തുക്കള്‍ കെ ജി ബാലകൃഷ്ണന്‍ വാങ്ങിക്കൂട്ടിയെന്ന് ഹരജിക്കാര്‍ക്കുവേണ്ടി ഹാജരായ പ്രശാന്ത് ഭൂഷണ്‍ ആരോപിച്ചു.

(Visited 51 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക