|    Nov 18 Sat, 2017 7:35 pm
FLASH NEWS
Home   >  Todays Paper  >  page 12  >  

കെ എന്‍ എ ഖാദര്‍ സത്യപ്രതിജ്ഞ ചെയ്തു

Published : 10th November 2017 | Posted By: fsq

 

തിരുവനന്തപുരം: വേങ്ങര ഉപതിരഞ്ഞെടുപ്പില്‍ വിജയിച്ച മുസ്‌ലിംലീഗ് നേതാവ് കെ എന്‍ എ ഖാദര്‍ നിയമസഭാംഗമായി സത്യപ്രതിജ്ഞ ചെയ്തു. സോളാര്‍ റിപോര്‍ട്ട് സമര്‍പ്പിക്കുന്നതിനായി ഇന്നലെ വിളിച്ചുചേര്‍ന്ന സഭാസമ്മേളനത്തിന്റെ ആദ്യഅജണ്ടയായിരുന്നു സത്യപ്രതിജ്ഞ. രാവിലെ ഒമ്പതിന് സഭ ചേര്‍ന്നപ്പോള്‍ നിയമസഭാ സെക്രട്ടറി സത്യപ്രതിജ്ഞ ചെയ്യാനായി കെ എന്‍ എ ഖാദറിനെ സഭയിലേക്ക് ക്ഷണിച്ചു.  നിയമസഭാ സെക്രട്ടറിക്ക് മുന്നിലായിരുന്നു സത്യപ്രതിജ്ഞ. അല്ലാഹുവിന്റെ നാമത്തിലാണ് ഖാദര്‍ സത്യപ്രതിജ്ഞ ചെയ്തത്. ചടങ്ങിന് സാക്ഷ്യംവഹിക്കാന്‍ മുസ്‌ലിംലീഗ് ദേശീയ ജനറല്‍ സെക്രട്ടറി പി കെ കുഞ്ഞാലിക്കുട്ടിയും ബന്ധുക്കളും വിഐപി ഗാലറിയിലെത്തിയിരുന്നു.ഉപതിരഞ്ഞെടുപ്പില്‍ 23,310 വോട്ടുകള്‍ക്കാണ് ഖാദര്‍ വിജയിച്ചത്. കെ എന്‍ എ ഖാദറിന് 65,227 വോട്ട് ലഭിച്ചപ്പോള്‍, എല്‍ഡിഎഫിന്റെ പി പി ബഷീര്‍ 41,917 വോട്ട് ആണ് നേടിയത്. എസ്ഡിപിഐ മൂന്നാം സ്ഥാനത്തെത്തിയപ്പോള്‍ ബിജെപി നാലാം സ്ഥാനത്തേക്ക് പിന്തള്ളപ്പെട്ടു. മുമ്പ് രണ്ടുതവണ ഖാദര്‍ അസംബ്ലിയിലെത്തിയിട്ടുണ്ട്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക