|    Aug 15 Wed, 2018 12:33 am
FLASH NEWS
Home   >  Kerala   >  

കെവിന്‍ വധം; ചാക്കോയുടെ വീട് അനുജന്‍ അടിച്ചുതകര്‍ക്കുകയും ഭാര്യയെ മര്‍ദ്ദിച്ചെന്നും പരാതി

Published : 7th July 2018 | Posted By: Jasmi JMI


കൊല്ലം: കോട്ടയത്ത് കെവിന്‍ എന്ന യുവാവിനെ കൊലപ്പെടുത്തിയ സംഭവത്തില്‍ പ്രതി ചാക്കോയുടെ വീട് അടിച്ചുതകര്‍ത്ത് ഭാര്യയെ മര്‍ദിച്ചതായി പരാതി. ചാക്കോയുടെ അനുജന്‍ അജിയാണ് തെന്മലയിലെ വീട് ആക്രമിച്ചതായും ചാക്കോയുടെ ഭാര്യ രഹ്നയെ മര്‍ദ്ദിച്ചതും.
ദുരഭിമാന കൊലയെന്ന് ആരോപണം ഉയര്‍ന്ന സംഭവത്തില്‍, കൊല്ലപ്പെട്ട കെവിന്റെ ഭാര്യ നീനുവിന്റെ മാതാവാണ് രഹ്ന. രഹ്നയുടെ ഭര്‍ത്താവായ ചാക്കോയും നീനുവിന്റെ സഹോദരന്‍ ഷാനു ചാക്കോ എന്നിവര്‍ കേസിലെ പ്രധാന പ്രതികളാണ്.
ഇന്നലെ വൈകിട്ട് 6.30 ഓടെ അജിയും ഭാര്യയും ചാക്കോയുടെ വസതിയിലെത്തിയിരുന്നു. കേസുമായി ബന്ധപ്പെട്ട സംസാരം പിന്നീട് വാക്കുതര്‍ക്കത്തിലെത്തി. കമ്പിവടി ഉപയോഗിച്ച് അജി, രഹ്നയുടെ തലയ്ക്കടിക്കാന്‍ ശ്രമിച്ചിവെങ്കിലും സ്ഥലത്തുണ്ടായിരുന്ന മറ്റൊരു സ്ത്രീ ഇത് തടഞ്ഞു.ഇതിനിടെ നിലത്തുവീണ രഹ്നയെ, അജി മര്‍ദ്ദിച്ചുവെന്നാണ് പരാതി. അയല്‍വാസികള്‍ ബഹളം കേട്ട് ഓടിയെത്തിയപ്പോഴാണ് അജി ആക്രമണത്തില്‍ നിന്ന് പിന്മാറിയത്. പിന്നീട് സ്ഥലത്തെത്തിയ പൊലീസ് സംഘം രഹ്നയെ പുനലൂര്‍ ആശുപത്രിയില്‍ പ്രവേശിപ്പിച്ചു. അജിക്കെതിരെ പൊലീസ് കേസെടുത്തിട്ടുണ്ട്.
ഇന്നലെ രാവിലെ രഹ്ന, അജി താമസിക്കുന്ന വീട്ടിലെത്തി അജിയുടെയും ചാക്കോയുടെയും അമ്മയെ അസഭ്യം പറഞ്ഞതായി ആരോപണം ഉണ്ട്. ഇത് ചോദിക്കാനാണ് അജി ഇവരുടെ വീട്ടിലേക്ക് വൈകിട്ട് എത്തിയതെന്നും പറയപ്പെടുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss