|    Jul 20 Fri, 2018 8:45 am
FLASH NEWS
Home   >  Todays Paper  >  page 9  >  

കെനിയയില്‍ വെള്ളപ്പൊക്കം; 15 മരണം ്‌

Published : 20th March 2018 | Posted By: kasim kzm

നെയ്‌റോബി: കെനിയയില്‍ രണ്ടു ദിവസമായി പെയ്യുന്ന കനത്ത മഴയില്‍ പട്ടണങ്ങളും ഗ്രാമങ്ങളും വെള്ളത്തിനടിയിലായി. 15 പേര്‍ വെള്ളപ്പൊക്കത്തില്‍ മരിച്ചതായി ഔദ്യോഗിക സ്ഥിരീകരണമുണ്ട്. വെള്ളപ്പൊക്കവും നദി കരകവിഞ്ഞൊഴുകിയതും മരണസംഖ്യ ഉയരാന്‍ കാരണമായതായി അധികൃതര്‍ ചൂണ്ടിക്കാട്ടി. ഇന്‍സിയു നദി കരകവിഞ്ഞൊഴുകിയതിനെ തുടര്‍ന്ന് കരിയുമായി വന്ന ട്രക്ക് ഒലിച്ചുപോയതായി പോലിസ് ഉദ്യോഗസ്ഥര്‍ പറഞ്ഞു.
ട്രക്കിലുണ്ടായിരുന്ന നാലുപേര്‍ മരിച്ചതായും എട്ടുപേരെ രക്ഷപ്പെടുത്തിയതായും രക്ഷാപ്രവര്‍ത്തകര്‍ അറിയിച്ചു. മഴക്കാലത്ത് ഓവുചാലില്‍ ഒഴുക്ക് തടസ്സപ്പെടുന്നത് കെനിയയില്‍ നിത്യസംഭവമാണ്. വെള്ളപ്പൊക്കത്തെ തുടര്‍ന്ന് നെയ്‌റോബി ഗവര്‍ണര്‍ ഓവുചാല്‍ നവീകരണത്തിന് ഫണ്ട് വകയിരുത്താന്‍ സര്‍ക്കാരിനോട് ആവശ്യപ്പെട്ടു. കെനിയയില്‍ കനത്ത മഴ അഞ്ചു ദിവസം കൂടി തുടരുമെന്നാണ് കാലാവസ്ഥാ നിരീക്ഷണ കേന്ദ്രങ്ങള്‍ നല്‍കുന്ന സൂചന.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss