|    Oct 20 Fri, 2017 3:33 am

കെട്ടിടം ഒഴിയണമെന്ന് കോടതി; പാനൂര്‍ കെഎസ്ഇബി ഓഫിസ് മാറ്റുന്നു

Published : 13th March 2016 | Posted By: SMR

പാനൂര്‍: കെഎസ്ഇബി സെക്ഷന്‍ ഓഫിസ് പാനൂരില്‍ നിന്നും മാറ്റുന്നു. നിവവില്‍ പ്രവര്‍ത്തിക്കുന്ന കെട്ടിടം ഒഴിയാന്‍ കോടതി ഉത്തരവുണ്ടായതിനെ തുടര്‍ന്നാണ് സൗകര്യ പ്രദമായ മറ്റൊരു കെട്ടിടം കണ്ടെത്താന്‍ നിര്‍ബന്ധിതമായത്. ഇതു സംബന്ധിച്ച് കെഎസ്ഇബി അധികൃതര്‍ നഗരസഭയ്ക്ക് കത്തെഴുതിയിട്ടുണ്ട്. 10 സെന്റ് സ്ഥലം സൗജന്യമായി തദ്ദേശ സ്ഥാപനം വിട്ട് നല്‍കിയാല്‍ കെഎസ്ഇബി കെട്ടിടം പണിയുമെന്നും അതുവരെ താല്‍ക്കാലികമായി ഓഫിസ് പ്രവര്‍ത്തിക്കാന്‍ സൗകര്യം കണ്ടത്തണമെന്നുമാണ് കത്തില്‍ അറിയിച്ചത്. നിലവിലുള്ള ഓഫിസില്‍ ഒരു കൗണ്ടര്‍ മാത്രമാണ് ഉള്ളത്. അതിനാല്‍ ബില്ലടക്കാന്‍ വരുന്നവരും മറ്റുമായി നീണ്ട ക്യൂവാണുള്ളത്. എത്രയും വേഗം സൗകര്യപ്രദമായ മറ്റൊരു ഓഫിസ് കണ്ടെത്തണമെന്ന ആവശ്യം ശക്തമായിരിക്കയാണ്. ആറ് മാസത്തേക്ക് ഒഴിയാന്‍ സാവകാശം വേണമെന്ന് ഉടമയോടും ആവശ്യപ്പെട്ടിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക