|    Jan 24 Tue, 2017 10:39 pm
FLASH NEWS

കെജ്‌രിവാളിനെ തടയാന്‍ ബിജെപി ശ്രമം; ലാത്തിച്ചാര്‍ജില്‍ ഒരാള്‍ക്ക് പരിക്ക്

Published : 29th February 2016 | Posted By: SMR

ബട്ടാല: ഡല്‍ഹി മുഖ്യമന്ത്രി അരവിന്ദ് കെജ്‌രിവാളിനെ തടയാന്‍ ശ്രമിച്ച ബിജെപി പ്രവര്‍ത്തകര്‍ക്കുനേരെ പോലിസ് ലാത്തിവീശി. ലാത്തിചാര്‍ജില്‍ ഒരാള്‍ക്ക് പരിക്കേറ്റു. കെജ്‌രിവാളിന്റെ പഞ്ചാബ് സന്ദര്‍ശനത്തില്‍ പ്രതിഷേധിച്ചായിരുന്നു അദ്ദേഹത്തെ തടയാന്‍ ശ്രമിച്ചത്.
ഗാന്ധിചൗക്കില്‍ സംഘടിപ്പിച്ച റാലിയില്‍ പ്രസംഗിക്കാനെത്തിയ കെജ്‌രിവാളിനെ ബിജെപി ജില്ലാ പ്രസിഡന്റ് സുരേഷ് ഭാട്ടിയ, മുനിസിപ്പല്‍ കൗണ്‍സില്‍ പ്രസിഡന്റ് നരേഷ് മഹാജന്‍ എന്നിവരുടെ നേതൃത്വത്തിലുള്ള സംഘമാണ് തടയാന്‍ ശ്രമിച്ചത്. 80ഓളം പ്രവര്‍ത്തകരെ പോലിസ് കസ്റ്റഡിയിലെടുത്തു. പൊതുപരിപാടിയില്‍ പ്രസംഗിച്ച് കെജ്‌രിവാള്‍ മടങ്ങിയ ശേഷം പ്രര്‍ത്തകരെ പോലിസ് വിട്ടയച്ചു.
കഴിഞ്ഞദിവസം വിവിധ വ്യാപാരി സംഘടനകളുമായി കൂടിക്കാഴ്ച നടത്തിയതായും പഞ്ചാബ് സര്‍ക്കാരിന്റെ ഭരണത്തില്‍ തങ്ങള്‍ അസംതൃപ്തരാണെന്നു വ്യാപാരികള്‍ പറഞ്ഞതായും കെജ്‌രിവാള്‍ അമൃത്‌സറില്‍ മാധ്യമങ്ങളോടു പറഞ്ഞു. സര്‍ക്കാര്‍ വകുപ്പുകള്‍ അഴിമതിയില്‍ മുങ്ങിയതാണ് അതൃപ്തിക്കു കാരണമെന്നും അദ്ദേഹം പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 55 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക