|    Sep 22 Fri, 2017 11:56 am
FLASH NEWS
Home   >  National   >  

കെജരിവാളിനും ഷീലാദീക്ഷിതിനുമെതിരെ എഫ്‌ഐആര്‍

Published : 21st June 2016 | Posted By: mi.ptk

Untitled-2

ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജരിവാളിനും മുന്‍ മുഖ്യമന്ത്രി ഷീലാ ദീക്ഷിതിനുമെതിരെ അഴിമതി നിരോധന വിഭാഗം എഫ്‌ഐആര്‍ രജിസ്റ്റര്‍ ചെയ്തു. ഇതോടെ ഡല്‍ഹി-കേന്ദ്ര സര്‍ക്കാരുകള്‍ തമ്മിലുള്ള കലഹം രൂക്ഷമാവുകയാണ്.
ഷീലാ ദീക്ഷിത് ജലബോര്‍ഡ് ചെയര്‍പേഴ്‌സണ്‍ ആയിരിക്കെ 2012 ല്‍ സ്വകാര്യ കമ്പനികള്‍ക്ക് വാട്ടര്‍ടാങ്ക് വാങ്ങാന്‍ ടെന്‍ഡര്‍ നല്‍കിയതാണ് കേസിനാസ്പദമായ സംഭവം. കഴിഞ്ഞ വര്‍ഷം ആംആദ്മി സര്‍ക്കാര്‍ ഇതില്‍ അന്വഷണം നടത്തുകയും  400 കോടി രൂപയുടെ ക്രമക്കേട് നടന്നതായി അന്വേഷണകമ്മിറ്റി കണ്ടെത്തുകയും ചെയ്തിരുന്നു. എന്നാല്‍ വിവാദമായ കരാര്‍ റദ്ദാക്കിയില്ലെന്നാരോപിച്ച് കെജരിവാളിനെതിരെ കേസുടുക്കണമെന്ന് ബിജെപി നേതാവ് വിജേന്ദര്‍ ഗുപ്ത പരാതി നല്‍കിയിരുന്നു. ഗുപ്തയുടെ പരാതിയും കമ്മിറ്റി റിപ്പോര്‍ട്ടും പരിഗണിച്ചാണ് ഇരുവര്‍ക്കുമെതിരെ എഫ്‌ഐആര്‍ രജിസ്റ്റര്‍ ചെയ്തതെന്ന് ആന്റി കറപ്ഷന്‍ ബ്യൂറോ മേധാവി മുകേഷ് മീണ അറിയിച്ചു. അഴിമതി നിരോധന നിയമത്തിലെ 120 ബി, 409 വകുപ്പുകള്‍ പ്രകാരമാണ് എഫ്‌ഐആര്‍ രജിസ്റ്റര്‍ ചെയ്തിരിക്കുന്നത്. ചോദ്യം ചെയ്യലിനായി ഷീലദീക്ഷിതിനെയും കെജരിവാളിനേയും വിളിപ്പിച്ചേക്കുമെന്ന് മീണ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക