|    Dec 15 Fri, 2017 4:15 am
FLASH NEWS

കെഎസ്‌യു സര്‍വകലാശാല ഉപരോധിച്ചു

Published : 7th December 2017 | Posted By: kasim kzm

കണ്ണൂര്‍: പരീക്ഷയുടെ മൂല്യനിര്‍ണയം നടത്താത്ത ഉത്തരക്കടലാസ് വഴിയോരത്തുനിന്ന് കിട്ടിയ സംഭവത്തെക്കുറിച്ച് അന്വേഷിക്കണമെന്നാവശ്യപ്പെട്ട് കെഎസ്‌യു പ്രവര്‍ത്തകര്‍ കണ്ണൂര്‍ സര്‍വകലാശാല ഉപരോധിച്ചു.
അധികൃതരുടെ വീഴ്ച മൂലം ഉത്തരക്കടലാസ് നഷ്ടപ്പെട്ടതിനാലാണു മാനന്തവാടി ഗവ. കോളജിലെ ടോം കെ ഷാജിയുടെ പരീക്ഷാഫലം പ്രസിദ്ധീകരിക്കാത്തതെന്ന് സമരക്കാര്‍ ആരോപിച്ചു. നേതാക്കള്‍ വൈസ് ചാന്‍സലര്‍ ഡോ. ഗോപിനാഥ് രവീന്ദ്രനുമായി ചര്‍ച്ച നടത്തി. സമഗ്രാന്വേഷണം നടത്തുമെന്ന് വിസി ഉറപ്പുനല്‍കി. തുടര്‍ന്നാണ് ഉപരോധം പിന്‍വലിച്ചത്. സംസ്ഥാന വൈസ് പ്രസിഡന്റ് വി പി അബ്ദുര്‍റഷീദ്, സംസ്ഥാന സെക്രട്ടറി എം കെ വരുണ്‍, സുധീപ് ജെയിംസ്, വി കെ അതുല്‍, ഫര്‍സിന്‍ മജീദ്, ജോഷി കണ്ടത്തില്‍ നേതൃത്വം നല്‍കി.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക