|    May 24 Wed, 2017 11:50 am
FLASH NEWS

കെഎസ്ആര്‍ടിസി മിനിമം ചാര്‍ജ് കുറച്ചതു യാത്രക്കാര്‍ക്ക് ഗുണം ചെയ്യില്ല

Published : 15th February 2016 | Posted By: SMR

സുല്‍ത്താന്‍ ബത്തേരി: ഓര്‍ഡിനറി സര്‍വീസുകളുടെ മിനിമം ചാര്‍ജില്‍ നിന്ന് ഒരു രൂപ കുറച്ച കെഎസ്ആര്‍ടിസി തീരുമാനം ജില്ലയിലെ യാത്രക്കാര്‍ക്ക് ഗുണം ചെയ്യില്ല. ജില്ലയിലെ പ്രധാന റൂട്ടുകളെല്ലാം സ്വകാര്യ ബസ്സുകള്‍ കുത്തകയാക്കിയിരിക്കുന്നതാണ് ഇതിനു കാരണം. സ്വകാര്യബസ് നിരക്കും കുറയ്ക്കണമെന്നാണ് യാത്രക്കാരുടെ ആവശ്യം.
സുല്‍ത്താന്‍ ബത്തേരി-കല്‍പ്പറ്റ റൂട്ടില്‍ 30 സ്വകാര്യ ബസ്സുകള്‍ സര്‍വീസ് നടത്തുമ്പോള്‍ അഞ്ചു കെഎസ്ആര്‍ടിസി മാത്രമാണ് ഇതുവഴി ഓടുന്നത്. സുല്‍ത്താന്‍ ബത്തേരി-മാനന്തവാടി റൂട്ടില്‍ 24 സ്വകാര്യ ബസ്സും 10 കെഎസ്ആര്‍ടിസി ബസ്സുകളുമാണുള്ളത്.
പുല്‍പ്പള്ളി-സുല്‍ത്താന്‍ ബത്തേരി റൂട്ടില്‍ 20 സ്വകാര്യ ബസ്സുകളും നാലു കെഎസ്ആര്‍ടിസിയും സുല്‍ത്താന്‍ ബത്തേരി-വടുവന്‍ചാല്‍ റൂട്ടില്‍ 13 സ്വകാര്യബസ്സുകളും മൂന്നു കെഎസ്ആര്‍ടിസി ബസ്സുകളുമാണ് സര്‍വീസ് നടത്തുന്നത്.
കല്‍പ്പറ്റ-മേപ്പാടി, കല്‍പ്പറ്റ-പനമരം-മാനന്തവാടി റൂട്ടുകളിലെല്ലാം തന്നെ സ്വകാര്യബസ്സുകളാണ് കൂടുതല്‍ സര്‍വീസ് നടത്തുന്നത്.
നിലവില്‍ സ്വകാര്യബസ്സുകള്‍ ടിക്കറ്റ് നിരക്ക് കുറച്ചാല്‍ മാത്രമേ യാത്രാനിരക്ക് കുറവുകൊണ്ടുള്ള പ്രയോജനം ലഭിക്കുകയുള്ളൂ.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day