|    Nov 16 Fri, 2018 2:42 am
FLASH NEWS

കെഎസ്ആര്‍ടിസി ബസ്സുകള്‍ കൂട്ടിയിടിച്ച് 25 പേര്‍ക്ക് പരിക്ക്‌

Published : 15th June 2017 | Posted By: fsq

 

പെരുമ്പാവൂര്‍: കെഎസ്ആര്‍ടിസി ബസ്സുകള്‍ കൂട്ടിയിടിച്ചു 25 പേര്‍ക്ക് പരിക്ക്. പെരുമ്പാവൂര്‍ ആലുവ ദേശസാല്‍കൃത റൂട്ടില്‍ മഞ്ഞപ്പെട്ടിയിലാണ് അപകടം. സൂപ്പര്‍ഫാസ്റ്റ് ബസും ഓര്‍ഡിനറി ബസും കൂട്ടിയിടിച്ചാണ് ബസില്‍ ഉണ്ടായിരുന്ന 25ഓളം പേര്‍ക്ക് പരിക്കേറ്റത്. പരിക്കേറ്റവരെ പെരുമ്പാവൂരിലെ സാന്‍ജോ, വാത്തിയായത്ത് ആശുപത്രികളില്‍ പ്രവേശിപ്പിച്ചു ആരുടെയും നില ഗുരുതരമല്ല.   ഇന്നലെ പുലര്‍ച്ചെ 5.30ഓടെയാണ് അപകടം. തൊടുപുഴയില്‍ നിന്നും ആലുവക്ക് വരികയായിരുന്ന സൂപ്പര്‍ഫാസ്റ്റ് ബസും ആലുവയില്‍ നിന്നും പെരുമ്പാവൂരിലേക്ക് വരികയായിരുന്ന വേണാട് ഓര്‍ഡിനറി ബസ്സുമാണ് കുട്ടിയിടിച്ചത്. ആലുവയില്‍ നിന്നും വന്ന ബസ് തടിലോറിയെ മറികടന്ന് വരുന്നതിനിടെ വളവില്‍ വെച്ചാണ് അപകടം. ഓര്‍ഡിനറി ബസിലെ ഒരുഭാഗം ഭാഗീകമായി തകര്‍ന്നു. പെരുമ്പാവൂരില്‍ നിന്നെത്തിയ ഫയര്‍ഫോഴ്‌സ് സംഘവും നാട്ടുകാരും ചേര്‍ന്നാണ് പരിക്കേറ്റവരെ ആശുപത്രിയില്‍ എത്തിച്ചത്. പുലര്‍ച്ചെ അയതിനാല്‍ ബസില്‍ യാത്രക്കാര്‍ കുറവായത് അപകടവ്യാപ്തി കുറഞ്ഞു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss