|    Jan 21 Sat, 2017 3:34 am
FLASH NEWS

കെഎംസിടി എന്‍ജിനീയറിങ് കോളജ്: അനധികൃത പിരിച്ചുവിടലും ശമ്പളം മുടങ്ങലും; ദുരിതം സഹിച്ച് അധ്യാപകരും ജീവനക്കാരും

Published : 3rd April 2016 | Posted By: SMR

മുക്കം: കെഎംസിടി എന്‍ജിനീയറിങ് കോളജില്‍ 2 മാസമായി ശമ്പളം ലഭിക്കാതെ അധ്യാപകരും ജീവനക്കാരും ദുരിതത്തില്‍. നേരത്തെ നവംബര്‍ മാസം ശമ്പളം ലഭിക്കാത്തതിനെ തുടര്‍ന്ന് തുടര്‍ച്ചയായി 18 ദിവസം സമരം നടത്തിയിരുന്നു.
ഇതേ തുടര്‍ന്ന് ജില്ലാ കലക്ടറുടെ നേതൃത്വത്തില്‍ തയ്യാറാക്കിയ ഒത്തുതീര്‍പ്പ് വ്യവസ്ഥയെ തുടര്‍ന്ന് ശമ്പളം നല്‍കി സമരം അവസാനിപ്പിക്കുകയായിരുന്നു. അന്ന് സമരം നടത്തിയവരെ പ്രതികാര നടപടിയുടെ ഭാഗമായി യാതൊരു കാരണവുമില്ലാതെ പിരിച്ചുവിട്ടു കൊണ്ടിരിക്കുകയാണന്നും ജീവനക്കാര്‍ പറയുന്നു.
58 വയസ്സ് കഴിഞ്ഞെന്ന തൊടുന്യായം പറഞ്ഞു പിരിച്ചുവിടുന്ന കെഎംസിടി ഡയറക്ടര്‍ അടക്കമുളളവര്‍ 70 പിന്നിട്ടവരാണെന്നും ജീവനക്കാരും അധ്യാപകരും പറയുന്നു. നിലവില്‍ 2 മാസം ശമ്പളം മുടങ്ങിയതോടെ പല കുടുംബങ്ങളും ജീവിക്കാന്‍ പാടുപെടുകയാണ്. പിരിച്ചുവിടല്‍ കാരണം ലാബിലടക്കം ജീവനക്കാരില്ലാത്തതിനാല്‍ ലക്ഷക്കണക്കിന് രൂപ നല്‍കി പഠനം നടത്തുന്ന വിദ്യാര്‍ഥികളും ദുരിതത്തിലാണ്. മാനേജ്‌മെന്റിന്റെ ഈ നിലപാടിനെതിരെ നിയമ നടപടികള്‍ സ്വീകരിക്കുമെന്നും ബാലസുബ്രമഹ്ണ്യന്‍, ജി കെ അരുണ്‍, ഹരിപ്രസാദ്, ദീപക് ലാല്‍, സിബി വാര്‍ത്താസമ്മേളനത്തില്‍ അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 57 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക