|    Nov 19 Mon, 2018 2:21 pm
FLASH NEWS

കൃത്രിമ ജലപാത: ആരോഗ്യമന്ത്രിയുടെ ക്യാംപ് ഓഫിസിലേക്ക് യുഡിഎഫ് മാര്‍ച്ച്

Published : 22nd July 2018 | Posted By: kasim kzm

പാനൂര്‍: കൃത്രിമ ജലപാതാ പദ്ധതി ഉപേക്ഷിക്കണമെന്നും ജനങ്ങളുടെ ജീവല്‍ പ്രശ്‌നത്തില്‍ ഇടപെടാതെ മാറിനില്‍ക്കുന്ന ആരോഗ്യമന്ത്രിയുടെ നടപടിയില്‍ പ്രതിഷേധിച്ചും കൂത്തുപറമ്പ് നിയോജക മണ്ഡലം യുഡിഎഫ് കമ്മിറ്റിയുടെ നേതൃത്വത്തില്‍ മന്ത്രിയുടെ പാനൂരിലെ ക്യാംപ് ഓഫിസിലേക്ക് മാര്‍ച്ച് നടത്തി.
കടവത്തൂര്‍ എലിത്തോട് പാലത്തിന് സമീപം മണ്ഡലം ചെയര്‍മാന്‍ പൊട്ടങ്കണ്ടി അബ്ദുള്ള ഫഌഗ്ഓഫ് ചെയ്തു. പാനൂര്‍ ബസ്സ്റ്റാന്റ് പരിസരത്ത് മാര്‍ച്ച് പോലിസ് തടഞ്ഞു. ഐഎന്‍ടിയുസി ദേശീയ ജനറല്‍ സെക്രട്ടറി കെ സുരേന്ദ്രന്‍ ഉദ്ഘാടനം ചെയ്തു. കൃത്രിമ ജലപാതാ നിര്‍മാണത്തില്‍നിന്ന് സര്‍ക്കാര്‍ പിന്തിരിയണമെന്ന് അദ്ദേഹം ആവശ്യപ്പെട്ടു. പി പി എ സലാം അധ്യക്ഷനായി. വി സുരേന്ദ്രന്‍, കെ പി സാജു, വി നാസര്‍ മാസ്റ്റര്‍, പി കെ ഷാഹുല്‍ ഹമീദ് സംസാരിച്ചു. സന്തോഷ് കണ്ണംവള്ളി, കെ പി ഹാഷിം, ഇ എ നാസര്‍, കെ രമേശന്‍, നേതൃത്വം നല്‍കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss