|    Jan 23 Mon, 2017 6:20 pm
FLASH NEWS

കൃത്രിമക്കാലു പയോഗിച്ച് മൗണ്ട് കെ2 കയറാനൊരുങ്ങി ഇക്വഡോര്‍ സ്വദേശി

Published : 15th May 2016 | Posted By: SMR

ക്വിറ്റോ: കൃത്രിമക്കാലുപയോഗിച്ച് മൗണ്ട് കെ2 കയറാനൊരുങ്ങി ഇക്വഡോര്‍ സ്വദേശി സാന്റിയാഗോ ക്വിന്റെറോ. 2002ല്‍ അര്‍ജന്റീനയിലെ അകോന്‍ക പര്‍വതം കയറുന്നതിനിടെ അതിശൈത്യം ബാധിച്ച് ക്വിന്റെറോക്ക് ഇരുകാലും നഷ്ടപ്പെട്ടിരുന്നു. 8611 കിലോമീറ്റര്‍ ഉയരമുള്ള, ലോകത്തെ ഏറ്റവും വലിയ രണ്ടാമത്തെ പര്‍വതമായ മൗണ്ട് കെ2വില്‍ ഇതുവരെ 188 പര്‍വതാരോഹകരാണ് കയറിയിട്ടുള്ളത്. ജൂണ്‍ 13നാരംഭിച്ച് ജൂലൈ 31ഓടെ പര്‍വതാരോഹണം പൂര്‍ത്തിയാക്കാന്‍ ലക്ഷ്യമിടുന്നതായി ക്വിന്റെറോ അറിയിച്ചു.
ജലപ്രതിരോധ ശേഷിയുള്ള കാലുറകള്‍ വാങ്ങുന്നതിനുള്ള 100 ഡോളര്‍ തന്റെ പക്കലില്ലാതിരുന്നതിനാലാണ് മുമ്പ് അപകടം വന്നുചേര്‍ന്നതെന്ന് ക്വിന്റെറോ പറഞ്ഞു. അപകടശേഷം കൂടുതല്‍ ഉയരത്തിലേക്ക് കയറരുതെന്നാണ് ഡോക്ടര്‍മാര്‍ ഉപദേശിച്ചിരുന്നത്. പക്ഷേ, പര്‍വതങ്ങള്‍ കയറാനില്ലെങ്കില്‍ അത് തനിക്കു മരണതുല്യമായ അവസ്ഥയാണ്. മൗണ്ട് കെ2 കീഴടക്കാന്‍ താന്‍ നിശ്ചയിച്ചുറപ്പിച്ചതാണെന്നും ക്വിന്റെറോ അറിയിച്ചു. 8000 മീറ്ററില്‍ കൂടുതല്‍ ഉയരമുള്ള 14 കൊടുമുടികളില്‍ ഏഴെണ്ണത്തിലും ക്വിന്റെറോ കൃത്രിമക്കാലുകളുടെ സഹായത്തോടെ കയറിയിരുന്നു. 2013ല്‍ ലോകത്തെ ഏറ്റവും വലിയ കൊടുമുടിയായ എവറസ്റ്റിന്റെ 8,848 മീറ്റര്‍ ഉയരം ക്വിന്റെറോ കീഴടക്കി.

Share on FacebookShare on Google+Tweet about this on TwitterShare on LinkedIn
(Visited 31 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക