|    Nov 21 Tue, 2017 2:30 am
FLASH NEWS
Home   >  Todays Paper  >  Page 4  >  

കുഴല്‍ക്കിണര്‍ കുഴിക്കാന്‍ കൈക്കൂലി; ഭൂഗര്‍ഭജല വിഭാഗം ഓഫിസര്‍ പിടിയില്‍

Published : 29th June 2016 | Posted By: SMR

കണ്ണൂര്‍: വീട്ടുപറമ്പില്‍ കുഴല്‍ക്കിണര്‍ കുഴിക്കാനുള്ള പരിശോധന നടത്താനായി അപേക്ഷകനില്‍നിന്നു കൈക്കൂലി വാങ്ങുന്നതിനിടെ ഭൂഗര്‍ഭജല വിഭാഗം ഓഫിസര്‍ വിജിലന്‍സ് പിടിയില്‍.
ഭൂഗര്‍ഭജല വിഭാഗം ജില്ലാ ഓഫിസറായ കെ എ മുഹമ്മദാണ് 2,000 രൂപ കൈക്കൂലി വാങ്ങുന്നതിനിടെ പിടിയിലായത്. അപേക്ഷനായ ചിറ്റാരിപ്പറമ്പിലെ ബൈജുവിനോടാണ് കൈക്കൂലി ആവശ്യപ്പെട്ടത്. കുഴല്‍ക്കിണര്‍ കുഴിക്കാന്‍ ചില മാനദണ്ഡങ്ങള്‍ നിലവിലുണ്ടെന്നും വിശദമായ പരിശോധനയ്ക്കു ശേഷമേ അനുമതി നല്‍കാനാവൂ എന്നു പറഞ്ഞ ഓഫിസര്‍ ഇതിനായി ചൊവ്വാഴ്ച ഓഫിസിലെത്താന്‍ ആവശ്യപ്പെട്ടു. ബൈജുവിനോട് കൈക്കൂലി ആവശ്യപ്പെടുന്നതിനിടെ ഓഫിസിന് പുറത്ത് കാത്തുനിന്ന വിജിലന്‍സ് സംഘം ഓഫിസറെ പിടികൂടുകയായിരുന്നു. വിജിലന്‍സ് കണ്ണൂര്‍ യൂനിറ്റ് ഡിവൈഎസ്പി എ വി പ്രദീപിന്റെ നേതൃത്വത്തിലുള്ള സംഘമാണ് പിടികൂടിയത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക