|    May 24 Thu, 2018 7:36 pm
FLASH NEWS

കുറ്റിയാട്ടൂരില്‍ വായനശാല ആക്രമിച്ചു; ബസ് ഷെല്‍ട്ടറിന് തീയിട്ടു

Published : 3rd February 2018 | Posted By: kasim kzm

മയ്യില്‍: കുറ്റിയാട്ടൂരില്‍ സിപിഎം നിയന്ത്രണത്തിലുള്ള ബസ് കാത്തിരിപ്പ് കേന്ദ്രം തീവച്ച് നശിപ്പിച്ച ശേഷം വായനശാല ആക്രമിച്ചു. കുറുവോടുമൂല സിആര്‍സി വായനശാലയ്ക്കു നേരെയാണ് അക്രമം. സമീപത്തെ ബസ് കാത്തിരിപ്പ് കേന്ദ്രത്തിനാണു തീയിട്ടത്. ആയുധങ്ങളുമായി വായനശാലയില്‍ അതിക്രമിച്ചുകയറിയ സംഘം ആറു ജനല്‍ചില്ലുകളും നിരവധി കസേരകളും മേശയും തകര്‍ത്തു. ഇന്നലെ പുലര്‍ച്ചെ ഒന്നോടെയാണ് സംഭവം. പിന്നില്‍ ആര്‍എസ്എസ് പ്രവര്‍ത്തകരാണെന്നു സിപിഎം മയ്യില്‍ ഏരിയാ സെക്രട്ടറി ബിജു കണ്ടക്കൈ ആരോപിച്ചു. കുറ്റിയാട്ടൂര്‍ ശിവക്ഷേത്രത്തിന്റെ ഭൂമി ചിലര്‍ കൈയേറിയതിനെതിരേ നല്‍കിയ കേസിന് സിപിഎം പിന്തുണ നല്‍കിയിരുന്നു. ഈ വിരോധമാണ് അക്രമത്തിന് കാരണമെന്നും അദ്ദേഹം വ്യക്തമാക്കി. മയ്യില്‍ എസ്‌ഐ ബാബുമോന്റെ നേതൃത്വത്തിലുള്ള സംഘം സ്ഥലത്തെത്തി അന്വേഷണം തുടങ്ങി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss