|    Dec 16 Sun, 2018 1:07 pm
FLASH NEWS
Home   >  Todays Paper  >  page 7  >  

കുറ്റക്കാര്‍ക്കെതിരേ നടപടി: മുഖ്യമന്ത്രി

Published : 24th May 2018 | Posted By: kasim kzm

മുംബൈ: ഔറംഗാബാദ് കലാപത്തില്‍ പങ്കാളികളായവര്‍ക്കെതിരേ കര്‍ശന നടപടി സ്വീകരിക്കുമെന്ന് മുസ്‌ലിം എംഎല്‍എമാര്‍ക്ക് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് ഉറപ്പുനല്‍കി. അഡീഷനല്‍ ഡയറക്ടര്‍ ജനറല്‍ (എഡിജി) റാങ്കിലുള്ള ഉദ്യോഗസ്ഥന്‍ സംഭവം അന്വേഷിക്കുമെന്നും അദ്ദേഹം പറഞ്ഞു.
അക്രമികള്‍ക്കെതിരേ ജാതിമത പരിഗണനകളില്ലാതെ നടപടിയെടുക്കുമെന്നാണ് മുഖ്യമന്ത്രി ഉറപ്പു നല്‍കിയത്.
കലാപത്തില്‍ ശിവസേനാ പ്രവര്‍ത്തകരും പോലിസുകാരും പങ്കാളികളാണെന്നാണ് എംഎല്‍എമാര്‍ ആരോപിച്ചത്. കോണ്‍ഗ്രസ്, സമാജ്‌വാദി പാര്‍ട്ടി, എംഐഎം പാര്‍ട്ടികളിലെ മുസ്‌ലിം എംഎല്‍എമാരാണ് മുഖ്യമന്ത്രിയെ കണ്ടത്.
കലാപത്തിനിരയായവര്‍ക്ക് ചട്ടപ്രകാരമുള്ള നഷ്ടപരിഹാരം നല്‍കുമെന്നു മുഖ്യമന്ത്രി പറഞ്ഞു. ഔറംഗാബാദിലെ പുതിയ പോലിസ് കമ്മീഷണറെ 72 മണിക്കൂറിനകം പ്രഖ്യാപിക്കും. ഔറംഗാബാദ് പോലിസ് കമ്മീഷണറായിരുന്ന യശ്‌സ്വി യാദവിനെ സംസ്ഥാന സര്‍ക്കാര്‍ നേരത്തേ നിര്‍ബന്ധിത അവധിയില്‍ അയച്ചിരുന്നു.
നഗരപ്രാന്തത്തില്‍ മാലിന്യം തള്ളുന്നതിനെതിരേ സമരം ചെയ്തവര്‍ക്കു നേരെ പോലിസ് അതിക്രമം കാണിച്ചതിനെ തുടര്‍ന്നായിരുന്നു നിര്‍ബന്ധിത അവധി.
ഔറംഗാബാദ് കലാപത്തില്‍ പോലിസ് പങ്കാളിത്തം വ്യക്തമാക്കുന്ന വീഡിയോ എംഎല്‍എമാര്‍ ഫഡ്‌നാവിസിന് കൈമാറിയിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss