|    Jan 20 Sat, 2018 9:08 am
Home   >  Todays Paper  >  page 9  >  

കുര്‍ദുകള്‍ക്ക് യുഎസ് ആയുധം നല്‍കിത്തുടങ്ങി

Published : 1st June 2017 | Posted By: fsq

 

വാഷിങ്ടണ്‍: വടക്കന്‍ സിറിയയില്‍ ഐഎസുമായി പോരാടുന്ന കുര്‍ദ് പോരാളികള്‍ക്ക് ചെറുകിട ആയുധങ്ങള്‍ യുഎസ് നല്‍കിത്തുടങ്ങി. നാറ്റോ സഖ്യരാജ്യമായ തുര്‍ക്കിയുടെ പ്രതിഷേധങ്ങള്‍ക്കിടെയാണ് ആയുധക്കൈമാറ്റം. ഐഎസ് തലസ്ഥാനമായി ഗണിക്കപ്പെടുന്ന റഖ തിരിച്ചുപിടിക്കുന്നതിനാണ് ആയുധ വിതരണമെന്ന് പെന്റഗണ്‍ അവകാശപ്പെട്ടു. സിറിയന്‍ ഡെമോക്രാറ്റിക് ഫോഴ്‌സസിലെ (എസ്ഡിഎഫ്) കുര്‍ദ് വിഭാഗങ്ങള്‍ക്ക് ചെറുകിട ആയുധങ്ങളും വാഹനങ്ങളും വിതരണം ചെയ്യുന്നതിന് തുടക്കമിട്ടതായി പെന്റഗണ്‍ വക്താവ് മേജര്‍ അഡ്രിയാന്‍ റാന്‍കിന്‍ ഗല്ലോവേ പറഞ്ഞു. എകെ 47 തോക്കുകളും ചെറു യന്ത്രത്തോക്കുകളും ഉള്‍പ്പെടെയുള്ളവയാണ് എസ്ഡിഎഫിന്റെ കുര്‍ദിഷ് പീപ്പിള്‍സ്് പ്രൊട്ടക്ഷന്‍ യൂനിറ്റി(വൈപിജി)നു നല്‍കുന്നത്.തുര്‍ക്കിയുടെ പ്രതിഷേധങ്ങള്‍ക്കിടെ ഈ മാസം ആദ്യത്തിലാണ് വൈപിജി പോരാളികള്‍ക്ക് ആയുധം നല്‍കുന്നതിന് യുഎസ് പ്രസിഡന്റ് ഡോണള്‍ഡ് ട്രംപ് അംഗീകാരം നല്‍കിയത്. ആയുധം കൈമാറിയത് സംബന്ധിച്ച് തുര്‍ക്കി പ്രതികരിച്ചിട്ടില്ല.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day