|    Nov 19 Mon, 2018 6:31 am
FLASH NEWS
Home   >  Todays Paper  >  page 12  >  

കുരുന്നുകള്‍ ആദ്യാക്ഷരം കുറിച്ചു

Published : 20th October 2018 | Posted By: kasim kzm

ഗുരുവായൂര്‍: അറിവിന്റെ ആദ്യാക്ഷരമധുരം നുകരാന്‍ വിജയദശമി ദിനമായ ഇന്നലെ മാതാപിതാക്കളോടൊപ്പം പിണക്കംകാട്ടിയും വിതുമ്പിക്കരഞ്ഞും കണ്ണനു മുന്നില്‍ കുരുന്നുകളെത്തി. ഗുരുവായൂര്‍ ക്ഷേത്രത്തിലെ 13 കീഴ്ശാന്തി ഇല്ലങ്ങളിലെ അക്ഷരഗുരുക്കന്മാരുടെ മടിയിലിരുന്ന് 383 കുരുന്നുകളാണ് നാവിന്‍തുമ്പില്‍ സ്വര്‍ണംകൊണ്ട് ആദ്യാക്ഷരം നുകര്‍ന്നും താംബാളത്തില്‍ നിറച്ച അരിയില്‍ ഹരിശ്രീ ഗണപതായേ നമ: എന്നു കുറിച്ചും അറിവിന്റെ അക്ഷരലോകത്തേക്ക് പിച്ചവച്ചു കയറിയത്. രാവിലെ ശീവേലിക്കുശേഷം കൂത്തമ്പലത്തില്‍ ഗ്രന്ഥപൂജ കഴിഞ്ഞ് വാദ്യഘോഷങ്ങളുടെ അകമ്പടിയോടെ ആധ്യാത്മിക ഹാളിലേക്ക് സരസ്വതി, ഗണപതി, ഗുരുവായൂരപ്പന്‍ എന്നീ ദേവന്മാരുടെ ഛായചിത്രവുമായി എത്തിയതിനു ശേഷമാണ് വിദ്യാരംഭത്തിന് തുടക്കമായത്. ഉച്ചപൂജ വരെ വിദ്യാരംഭം നീണ്ടുനിന്നു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss