|    Jul 20 Fri, 2018 4:17 pm
FLASH NEWS

കുമ്പള ബസ് സ്റ്റാന്റ് ഷോപ്പിങ് കോംപ്ലക്‌സ് പൊളിക്കാന്‍ തുടങ്ങി

Published : 11th November 2017 | Posted By: fsq

 

കുമ്പള: യാത്രക്കാര്‍ക്കും വ്യാപാരികള്‍ക്കും ഭീഷണിയായി അപകടനിലയിലായ കുമ്പള ബസ് സ്റ്റാന്റ് ഷോപ്പിങ് കോംപ്ലക്‌സ് പൊളിച്ചുമാറ്റാന്‍ തുടങ്ങി. കഴിഞ്ഞ ദിവസം വൈകിട്ടാണ് പൊളിച്ചുമാറ്റാന്‍ തുടങ്ങിയത്. 24ഓളം കടമുറികള്‍ പ്രവര്‍ത്തിക്കുന്ന കെട്ടിടത്തില്‍ നിന്ന് വ്യാപാരികള്‍ ഒഴിഞ്ഞുപോവാന്‍ കൂട്ടാക്കാത്തതിനെ തുടര്‍ന്നാണ് അപകട നിലയിലായ ബസ് സ്റ്റാന്റ് ഒഴിപ്പിക്കാനുള്ള പഞ്ചായത്തിന്റെ ശ്രമം വിഫലമായത്. ഹൈക്കോടതി ഇടപെട്ട് പൊളിച്ചുനീക്കാന്‍ ഉത്തരവിട്ടു. ഇതേ തുടര്‍ന്ന് ഒഴിഞ്ഞുപോകാന്‍ വീണ്ടും വ്യാപാരികള്‍ക്ക് നോട്ടീസ് നല്‍കിയെങ്കിലും ഒഴിഞ്ഞുപോയില്ല. തുടര്‍ന്ന് ഒഴിഞ്ഞുപോയില്ലെങ്കില്‍ പോലിസ് സഹായത്തോടെ വ്യാപാരികളെ നീക്കാന്‍ പഞ്ചായത്ത് ഭരണസമിതി തീരുമാനിച്ചതോടെയാണ് വ്യാപാരികള്‍ ഒഴിയാന്‍ തയ്യാറായത്. നൂറുകണക്കിന് യാത്രക്കാര്‍ ബസ് കാത്തുനില്‍ക്കുന്ന ഇവിടെ ബസ് സ്റ്റാന്റിന്റെ കോണ്‍ക്രീറ്റ് ചീളുകള്‍ ഇളകി ദേഹത്ത് വീഴുന്നത് പതിവായിരുന്നു. പുതിയ ബസ് സ്റ്റാന്റ് ഷോപ്പിങ് കോംപ്ലക്‌സ് നിര്‍മിക്കാന്‍ നേരത്തെ അനുമതിയായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss