|    Oct 16 Tue, 2018 10:03 pm
FLASH NEWS
Home   >  Todays Paper  >  page 9  >  

കുഫുവിന്റെ പിരമിഡിനുള്ളില്‍ ശൂന്യ അറ കണ്ടെത്തി

Published : 3rd November 2017 | Posted By: fsq

 

കെയ്‌റോ: ഒരേസമയം, അദ്ഭുതപ്പെടുത്തുകയും ദുരൂഹത ജനിപ്പിക്കുകയും ചെയ്യുന്ന പിരമിഡുകളെക്കുറിച്ചുള്ള മറ്റൊരു വിവരംകൂടി. ലോകത്തെ ഏറ്റവും വലിയ പിരമിഡായ ഈജിപ്തിലെ കുഫു പിരമിഡില്‍ ഒഴിഞ്ഞുകിടക്കുന്ന അറ കണ്ടെത്തിയതാണ് ഏറ്റവും പുതിയ വിവരം.പിരമിഡിനെക്കുറിച്ച് രണ്ടുവര്‍ഷമായി പഠനം നടത്തിക്കൊണ്ടിരിക്കുന്ന ജാപ്പനീസ്, ഫ്രഞ്ച് ഗവേഷകരാണ് ഒഴിഞ്ഞുകിടക്കുന്ന അറയുണ്ടെന്ന വിവരം പുറത്തുവിട്ടത്. വലിയ അറയാണ് കണ്ടെത്തിയതെന്ന് സാക്ഷ്യപ്പെടുത്തുന്നുണ്ടെങ്കിലും അതിന്റെ രൂപത്തെക്കുറിച്ച് ഗവേഷകര്‍ക്ക് വ്യക്തമായ ധാരണയില്ല. ചതുരാകൃതിയിലോ മറ്റോ ആവാം ഈ അറയെന്ന് അവര്‍ പറയുന്നു. മുവോഗ്രഫി സാങ്കേതികവിദ്യയാണ് പിരമിഡിനെക്കുറിച്ചുള്ള പഠനത്തില്‍ ഉപയോഗിച്ചിരിക്കുന്നത്. ഫറോവ കുഫുവിന്റെ ഭരണത്തില്‍ ബിസി 2509നും 2483നും ഇടയിലാണ് പിരമിഡ് നിര്‍മാണം. 140 മീറ്റര്‍ ഉയരമുള്ള പിരമിഡ് ഗിസയിലാണ് സ്ഥിതിചെയ്യുന്നത്. പിരമിഡിനുള്ളില്‍ മൂന്ന് പള്ളിയറകളും അവയോട് ചേര്‍ന്ന് ഇടനാഴികളും കണ്ടെത്തിയിരുന്നു. 47 മീറ്റര്‍ നീളവും 8 മീറ്റര്‍ ഉയരവുമുള്ള ഗ്രാന്‍ഡ് ഗാലറിയും പിരമിഡിന്റെ പ്രത്യേകതയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss