|    Dec 13 Thu, 2018 12:32 pm
FLASH NEWS

കുന്നുംകൈയില്‍ തെരുവുനായ ആക്രമണം; പിഞ്ചുകുഞ്ഞിനും വൃദ്ധനും പരിക്ക്

Published : 30th December 2015 | Posted By: SMR

കണ്ണൂര്‍: കുന്നുംകൈയില്‍ വീണ്ടും തെരുവുനായകളുടെ ആക്രമണം. വൃദ്ധനും മൂന്നു വയസ്സുള്ള പേരമകനും പരിക്കേറ്റു. കുന്നുംകൈ അംബേദ്കര്‍ കോളനിയിലെ അബ്ദുല്‍ഖാദര്‍(70), മകളുടെ മകന്‍ മര്‍ജാന്‍(3) എന്നിവര്‍ക്കാണു കടിയേറ്റത്.
ഇന്നലെ രാവിലെ 11ഓടെയാണ് സംഭവം. വീട്ടുമുറ്റത്ത് കളിക്കുകയായിരുന്നു മര്‍ജാനെ ആറു നായകള്‍ കൂട്ടത്തോടെയെത്തി ആക്രമിക്കുകയായിരുന്നു. ഇതുകണ്ടു തടയാനെത്തിയപ്പോഴാണ് അബ്ദുല്‍ഖാദറിനു പരിക്കേറ്റത്. ഇരുവരുടെയും കൈകാലുകള്‍ക്കും മറ്റുമാണ് പരിക്കേറ്റത്. ജില്ലാ ആശുപത്രിയില്‍ ചികില്‍സ തേടി. നായക്കൂട്ടത്തില്‍ ഒരെണ്ണത്തിനെ നാട്ടുകാര്‍ തല്ലിക്കൊന്നു. ഒരു മാസം മുമ്പും പ്രദേശത്ത് തെരുവുനായയുടെ കടിയേറ്റ് നിരവധി പേര്‍ക്ക് പരിക്കേറ്റിരുന്നു. ജില്ലയുടെ വിവിധ ഭാഗങ്ങളില്‍ തെരുവുനായകളുടെ ആക്രമണം പതിവാകുകയാണ്. ഒരു മാസത്തിനിടെ 50ലേറെ പേര്‍ക്ക് കടിയേറ്റു. അഴീക്കോട്ട് പിഞ്ചുകുഞ്ഞിനെ ഉള്‍പ്പെടെ ഒറ്റ ദിവസം തന്നെ 20ലേറെ പേര്‍ക്ക് കടിയേറ്റിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss