|    Mar 27 Mon, 2017 2:15 am
FLASH NEWS

കുന്നംകുളം നഗരസഭാ ബസ് സ്റ്റാന്റ് ഫീസ്: ടെന്‍ഡറില്‍ അഴിമതിയുണ്ടെന്ന് ആരോപണം

Published : 2nd April 2016 | Posted By: SMR

കുന്നംകുളം: നഗരസഭാ ബസ്റ്റാന്റ് ഫീസ് പിരിക്കുന്നതിനുള്ള ടെന്‍ഡര്‍ അംഗീകരിച്ചതില്‍ വന്‍ അഴിമതിയെന്നാക്ഷേപം.
കഴിഞ്ഞ വര്‍ഷം 5 ലക്ഷത്തില്‍ പരം രൂപയുടെ കുറവു വന്ന ടെണ്ടറിന് മുന്‍കൂര്‍ അനുമതി നല്‍കുകയും പിരിവ് തുകയില്‍ 2 രൂപ അധികരിപ്പിക്കുകയും ചെയ്ത സംഭവത്തില്‍ വലിയതോതില്‍ ആസൂത്രിത അഴിമതിയുള്ളതായും ഇതിനെതിരേ നിയപരമായി പോരാടുമെന്നും നഗരസഭ പൊതുമരാമത്ത് സ്ഥിരം സമതി അധ്യക്ഷന്‍ ഷാജി ആലിക്കല്‍ പറഞ്ഞു. 2 മാസം മുന്‍പ് നടന്ന ടെണ്ടറില്‍ 5 ലക്ഷം രൂപ കഴിഞ്ഞ തവണത്തേതില്‍ നിന്നും കുറവുണ്ടായി എന്നതിനാല്‍ റീടെണ്ടര്‍വിളിക്കാന്‍ ഏറെ സമയമുണ്ടായിട്ടും അത് ചെയ്യുകയോ വിഷയം ബന്ധപെട്ട കമ്മറ്റിയിലോ കൗണ്‍സിലിലോ അവതരിപ്പികയുമുണ്ടായില്ല.
മാര്‍ച്ച് 31 വരെ കാത്തുനിന്ന ശേഷം ആ കരാറുകാരന് 5 ലക്ഷം രൂപയില്‍ കൂടുതല്‍ കുറവ് നല്‍കുകയും ഫീ വര്‍ധിപ്പിക്കുകയും ചെയ്തത് എല്ലാമാനദണ്ഡങ്ങളും മറികടന്നാണെന്നും ഷാജി ആരോപിച്ചു.എന്നാല്‍ ലഭിച്ച ടെന്‍ഡറുകളില്‍ ഏറ്റവും വലിയ തുക രേഖപെടുത്തിയത് അംഗീകരിക്കുകയായിരുന്നെന്നും ഏപ്രീല്‍ 1 മുതല്‍ പുതിയകരാറുകാരില്ലെങ്കില്‍ അത്രയും പണം നഗരസഭക്ക് നഷ്ടമുണ്ടാകുമെന്നതിനാലാണ് 31 ന് തന്നെ തീരുമാനമെടുത്തതെന്നും വൈസ് ചെയര്‍മാന്‍ സുരേഷ് അറിയിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക