|    May 27 Sun, 2018 5:35 pm
FLASH NEWS

കുട്ടികളുടെ നീന്തല്‍ പരിശീലനം തടസ്സപ്പെടുത്താന്‍ ശ്രമം

Published : 7th May 2018 | Posted By: kasim kzm

ഇരിട്ടി: ഇരിട്ടി അഗ്‌നിരക്ഷാനിലയം ബാവലിപ്പുഴയില്‍ വിദ്യാര്‍ഥികള്‍ക്കായി നടത്തുന്ന നടത്തുന്ന സൗജന്യ നീന്തല്‍ പരിശീലനം തടസ്സപ്പെടുത്താന്‍ സാമൂഹിക വിരുദ്ധരുട ശ്രമം.
കുട്ടികളുടെ സുരക്ഷയ്ക്കായി പുഴയില്‍ കെട്ടിയ വടങ്ങളും മുളകളും ഇരുമ്പുകമ്പികളും രാത്രിയില്‍ നശിപ്പിച്ചു. രണ്ടാഴ്ചയോളമായി ബാവലിപ്പുഴയുടെ ഭാഗമായ ജബ്ബാര്‍കടവില്‍ പാലത്തിനു സമീപം കുട്ടികള്‍ക്ക് അഗ്നിശമന സേന നീന്തല്‍ പരിശീലനം നല്‍കിവരുന്നുണ്ട്. മേഖലയിലെ 15 വയസ്സില്‍ താഴെയുള്ള കുട്ടികള്‍ക്ക് അപേക്ഷയുടെ അടിസ്ഥാനത്തിലാണ് പരിശീലനം. നൂറോളം കുട്ടികള്‍ അപേക്ഷിച്ചതില്‍ ആദ്യബാച്ചില്‍ 30 പേര്‍ക്കാണ് പരിശീലനം നല്‍കുന്നത്. വൈകീട്ട് പരിശീലനത്തിനായി കുട്ടികളുമായി എത്തിയ
അഗ്‌നിശമന ജീവനക്കാരാണ് സുരക്ഷാവലയം അഴിച്ചുകൊണ്ടുപോയതായി കണ്ടത്്. ഇരിട്ടി പോലിസില്‍ പരാതി നല്‍കി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss