|    Mar 24 Fri, 2017 1:49 am
FLASH NEWS

കുട്ടികളുടെ ചിത്രങ്ങളുമായി വീണ്ടും അശ്ലീല ഫേസ്ബുക്ക് പേജ്

Published : 14th December 2015 | Posted By: SMR

തിരുവനന്തപുരം: ഓണ്‍ലൈന്‍ പെണ്‍വാണിഭക്കേസ് കെട്ടടങ്ങും മുമ്പേ ഫേസ്ബുക്കില്‍ വീണ്ടും അശ്ലീലപേജുകള്‍ പ്രത്യക്ഷപ്പെട്ടു. ഇതുസംബന്ധിച്ച് തിരുവനന്തപുരം സിറ്റി പോലിസ് കമ്മീഷണര്‍ക്കു പരാതി ലഭിച്ചു. കൊച്ചു സുന്ദരികള്‍ക്കു സമാനമായ പേരോടെയുള്ള രണ്ടു പേജുകളാണ് ഫേസ്ബുക്കില്‍ വീണ്ടും പ്രത്യക്ഷപ്പെട്ടിരിക്കുന്നത്.

പേജില്‍ പ്രായപൂര്‍ത്തിയാവാത്ത പെണ്‍കുട്ടികളുടെയും സിനിമാതാരങ്ങളുടെയും ഫോട്ടോകളും അശ്ലീല കമന്റുകളും കാണാം. 800ലേറെ പേര്‍ ലൈക്ക് ചെയ്തിട്ടുള്ള പേജ് നവംബര്‍ അവസാനമാണ് തുടങ്ങിയിരിക്കുന്നത്. നമ്പര്‍ നല്‍കി ചില സന്ദര്‍ശകര്‍ പെണ്‍കുട്ടികളെ ആവശ്യപ്പെടുകയും വിലപേശുകയും ചെയ്യുന്നുമുണ്ട്. പേജിനെതിരേ തിരുവനന്തപുരം സിറ്റി പോലിസ് കമ്മീഷണര്‍ക്കു പരാതി ലഭിച്ചു. പരാതി പരിശോധിച്ചു തുടര്‍നടപടികള്‍ സ്വീകരിക്കുമെന്ന് കമ്മീഷണര്‍ എച്ച് വെങ്കിടേഷ് അറിയിച്ചു.
കൂടാതെ, മോശം പദംപ്രയോഗമുള്ള പേരിലുള്ള മറ്റൊരു പേജും ഫേസ്ബുക്കില്‍ സജീവമാണ്. 2200ഓളം പേര്‍ ലൈക്ക് ചെയ്തിട്ടുള്ള പേജില്‍ സിനിമ, സീരിയല്‍ താരങ്ങളുടെയും മറ്റു സ്ത്രീകളുടെയും ചിത്രങ്ങളാണ് ഉപയോഗിച്ചിട്ടുള്ളത്. ഓണ്‍ലൈന്‍ പെണ്‍വാണിഭ കേസില്‍ അന്വേഷണം തുടരുന്നതിനിടെയാണ് പുതിയ പേജുകള്‍ ഫേസ്ബുക്കില്‍ പ്രത്യക്ഷപ്പെട്ടത്. സ്ത്രീകളെയും കുട്ടികളെയും അപമാനിക്കുന്ന പേജുകള്‍ക്കെതിരേ സമൂഹമാധ്യമത്തിലും പ്രതിഷേധം ശക്തമായിട്ടുണ്ട്. അടൂരില്‍ പെണ്‍കുട്ടികള്‍ പീഡനത്തിനിരയായ സാഹചര്യത്തില്‍ സ്‌കൂള്‍ കുട്ടികളെ ചുറ്റിപ്പറ്റി നടക്കുന്ന പെണ്‍വാണിഭസംഘങ്ങളെ പിടികൂടണമെന്ന് കഴിഞ്ഞ ദിവസം പ്രതിപക്ഷ നേതാവ് വി എസ് അച്യുതാനന്ദനും ആവശ്യപ്പെട്ടിരുന്നു.

(Visited 68 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക