|    May 22 Tue, 2018 7:47 am

കുട്ടികളില്‍ വിഷയങ്ങളോടൊപ്പം മൂല്യബോധവും വളര്‍ത്തണം: എംഎല്‍എ

Published : 4th June 2017 | Posted By: fsq

 

ആലുവ: ധാര്‍മികതയുള്ള ഒരു സമൂഹ സൃഷ്ടിക്കുവേണ്ടി  കുട്ടികളില്‍ വിഷയങ്ങളോടൊപ്പം മൂല്യബോധവും വളര്‍ത്തണമെന്ന് അന്‍വര്‍ സാദത്ത് എംഎല്‍എ പറഞ്ഞു. ആലുവ നഗരസഭ സ്‌കൂളുകളില്‍ നടപ്പാക്കുന്ന മൂല്യബോധന പദ്ധതിയുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. പദ്ധതിയുടെ ഭാഗമായി കുട്ടികള്‍ക്ക് നല്‍കുന്ന ഡയറിയുടെ പ്രകാശനവും എംഎല്‍എ നിര്‍വഹിച്ചു. 13-ാം പഞ്ചവല്‍സര പദ്ധതിയുടെ ഭാഗമായി ആലുവയിലെ പതിനെട്ട് സ്‌കൂളുകളിലാണ് പദ്ധതി നടപ്പാക്കുന്നത്. ആലുവ നഗരസഭ നടപ്പാക്കുന്ന ഈ പദ്ധതി കേരളത്തില്‍  തന്നെ ഒരു തദ്ദേശ സ്വയംഭരണ സ്ഥാപനം വിദ്യാഭ്യാസ മേഖലയില്‍  നടത്തുന്ന ആദ്യ ഇടപെടലാണ്.നഗരസഭ ചെയര്‍പേഴ്‌സണ്‍ ലിസി എബ്രഹാം അധ്യക്ഷത വഹിച്ചു. വൈസ് ചെയര്‍പേഴ്‌സണ്‍ സി ഓമന, സ്ഥിരം സമിതി അധ്യക്ഷരായ  ലോലിത ശിവദാസന്‍, പി എ മൂസാക്കുട്ടി, വി ചന്ദ്രന്‍, ടിമ്മി ബേബി, ഓമന ഹരി, കൗണ്‍സിലര്‍മാരായ സെബി വി ബാസ്റ്റ്യന്‍, ലളിത ഗണേശന്‍, അഡ്വ. കെ എ ആന്റണി, ആര്‍ ശിവരാമപിള്ള, ഉഷ ജെ തറയില്‍ സംസാരിച്ചു. നഗരസഭ ആസൂത്രണ സമിതി ഉപാധ്യക്ഷന്‍ ചിന്നന്‍ ടി പൈനാടത്ത് പദ്ധതി വിശദീകരണം നടത്തി.  ആലുവയിലെ 18  സ്‌കൂളുകളിലെ ഇരുപതിനായിരത്തോളം വരുന്ന കുട്ടികളിലൂടെ നടപ്പാക്കുന്ന ഈ പദ്ധതിയി ലഹരി പ്രതിരോധ പ്രവര്‍ത്തനങ്ങള്‍ക്കായി നഗരസഭയും ജനമൈത്രി പോലിസും എക്‌സൈസ് വകുപ്പും ഏകോപനത്തോടെ പ്രവര്‍ത്തിക്കുവാന്‍ വിഭാവന ചെയ്യുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss