|    Sep 20 Thu, 2018 9:46 pm
FLASH NEWS
Home   >  Todays Paper  >  page 12  >  

കുട്ടനാട്ടില്‍ ഒഴുകി സഞ്ചരിക്കുന്ന റേഷന്‍ കട തുടങ്ങി

Published : 5th September 2018 | Posted By: kasim kzm

തിരുവനന്തപുരം: പ്രളയദുരിത പശ്ചാത്തലത്തില്‍ സംസ്ഥാനത്ത് ഏറ്റവുമധികം റേഷന്‍ കടകള്‍ നശിച്ചുപോയ കുട്ടനാട് താലൂക്കില്‍ റേഷന്‍ വിതരണം സുഗമമായി നടത്താന്‍ ഒഴുകിസഞ്ചരിക്കുന്ന റേഷന്‍ കടയുടെ ഉദ്ഘാടനം മന്ത്രി പി തിലോത്തമന്‍ നിര്‍വഹിച്ചു. രൂക്ഷമായ പ്രളയദുരിതമുണ്ടായപ്പോഴും ഭക്ഷ്യവകുപ്പിന്റെ ഫലപ്രദമായ ഇടപെടല്‍കൊണ്ട് സംസ്ഥാനത്തെ 88 ശതമാനം ഉപഭോക്താക്കള്‍ക്കും ആഗസ്തിലെ റേഷന്‍ വിതരണം നടത്താന്‍ സാധിച്ചെന്നും പ്രളയം ബാധിച്ച പ്രദേശങ്ങളിലെ മുഴുവന്‍ ജനവിഭാഗങ്ങള്‍ക്കും മുന്‍ഗണന-മുന്‍ഗണനേതര പരിഗണന കൂടാതെ അഞ്ചുകിലോ വീതം സൗജന്യ റേഷന്‍ നല്‍കാന്‍ നടപടി സ്വീകരിച്ചതായും മന്ത്രി അറിയിച്ചു.കുട്ടനാട്ടില്‍ ഒഴികെയുള്ള പ്രളയബാധിത പ്രദേശങ്ങളില്‍ എല്ലായിടത്തും റേഷന്‍ വിതരണം കാര്യക്ഷമമായി നടന്നു. റേഷന്‍ കാര്‍ഡ് നഷ്ടപ്പെട്ടവര്‍ക്ക് പകരം റേഷന്‍ കാര്‍ഡ് നല്‍കാനും റേഷന്‍ കടയില്‍ വെള്ളം കയറി അരി നഷ്ടപ്പെട്ടവര്‍ക്ക് പകരം അരി നല്‍കാനും സമയബന്ധിതമായി നടപടികള്‍ സ്വീകരിച്ചിട്ടുണ്ട്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss