|    Sep 25 Tue, 2018 10:33 pm
FLASH NEWS

കുടുംബക്ഷേമ ഉപ കേന്ദ്രം തകര്‍ച്ചാ ഭീഷണിയില്‍

Published : 13th June 2017 | Posted By: fsq

 

ചെറുപുഴ: ചെറുപുഴ ടൗണില്‍ സ്ഥിതിചെയ്യുന്ന കുടുംബക്ഷേമ ഉപകേന്ദ്രം കാലപ്പഴക്കത്തെ തുടര്‍ന്ന് ഏതു സമയവും തകര്‍ന്നുവീഴാവുന്ന നിലയില്‍. മഴക്കാലം കൂടിവന്നതോടെ മേല്‍ക്കൂര ചോര്‍ന്നൊലിക്കുകയും ചുവരില്‍ വിള്ളല്‍ വീഴുകയും ചെയ്തിട്ടുണ്ട്്. എന്നാല്‍ ഇതു പുനര്‍നിര്‍മിക്കാന്‍ അധികൃതര്‍ തയ്യാറാകാത്തതില്‍ പ്രതിഷേധം ശക്തമായി. ചോര്‍ച്ച തടയുവാന്‍ മേല്‍ക്കൂര പ്ലാസ്റ്റിക് ഷീറ്റ് കൊണ്ടു മൂടിയിട്ടിരിക്കുകയാണ്. ഗര്‍ഭിണികളും കുട്ടികളുമാണ് കുടുംബക്ഷേമ ഉപകേന്ദ്രത്തെ ആശ്രയിക്കുന്നതില്‍ കൂടുതലും. കാലവര്‍ഷം കനക്കുന്നതോടെ പനി ഉള്‍പ്പെടെയുള്ള രോഗങ്ങള്‍ പടര്‍ന്നുപിടിക്കുകയാണ്. അതിനാല്‍ ചെറുപുഴയിലെയും പരിസരപ്രദേശങ്ങളിലെയും പ്രധാന ആശ്രയമായ കുടുംബക്ഷേമ ഉപകേന്ദ്രത്തിന്റെ ശോച്യാവസ്ഥ ജനങ്ങളെ സാരമായി ബാധിക്കും. പുതുക്കിപ്പണിയുന്നതിന് ആവശ്യമായ നടപടി സ്വീകരിക്കണമെന്നാണ് നാട്ടുകാരുടെ ആവശ്യം.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss