|    Oct 19 Thu, 2017 7:29 am
FLASH NEWS

കുടിവെള്ള വിതരണം തടസ്സപ്പെട്ടു : ജല അതോറിറ്റി ഓഫിസ് ഉപരോധിച്ചു

Published : 5th October 2017 | Posted By: fsq

 

ചിറ്റൂര്‍: തത്തമംഗലത്തെ വിവിധ ഭാഗങ്ങളിലെ കുടിവെള്ള വിതരണം തടസ്സപ്പെട്ടു. ഇതേ തുടര്‍ന്ന് കോണ്‍ഗ്രസ് തത്തമംഗലം കമ്മിറ്റി ജല അതോറിറ്റി എക്‌സിക്യൂട്ടീവ് എന്‍ജിനീയറെ ഉപരോധിച്ചു. തത്തമംഗലത്തെ ആറാംപാടം, അമ്പാട്ട് പറമ്പ് പ്രദേശങ്ങളില്‍ ദിവസങ്ങളായി കുടിവെള്ളമെത്താത്തതിനെത്തുടര്‍ന്നാണ് ഉപരോധം സംഘടിപ്പിച്ചത്. ഡിസിസി വൈസ് പ്രസിഡന്റ് എ സുമേഷിന്റെ നേതൃത്വത്തില്‍ രാവിലെ പത്തിനായിരുന്നു പ്രവര്‍ത്തകര്‍ എന്‍ജിനീയറെ ഓഫിസില്‍ ഉപരോധിച്ചത്. അമ്പാട്ട് പറമ്പില്‍ ബോര്‍വെല്ലില്‍ സ്ഥാപിച്ചിരിക്കുന്ന മോട്ടോര്‍ തകരാറിലായി ദിവസങ്ങളായിട്ടും ശരിയാക്കാന്‍ ശ്രമിക്കാത്തതാണ് കുടിവെള്ള വിതരണം തടസപ്പെടാന്‍ കാരണം. തകരാര്‍ പരിഹരിച്ച് തിങ്കളാഴ്ച്ചയ്ക്കകം കുടിവെള്ള വിതരണം പൂര്‍വ്വസ്ഥിതിയിലാക്കാമെന്ന എക്‌സി. എന്‍ജിനീയര്‍  ഉറപ്പ് നല്‍കിയതോടെയാണ് സമരം അവസാനിപ്പിച്ചത്. ബാബു, മുരളി തറക്കളം, രാജന്‍, രതീഷ് ബാബു, ഭുവനദാസ് എന്നിവര്‍ സമരത്തിന് നേതൃത്വം നല്‍കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക