|    Mar 23 Thu, 2017 4:07 pm
FLASH NEWS

കുടിവെള്ള പദ്ധതികള്‍ പുനരാരംഭിക്കാന്‍ പ്രത്യേക പാക്കേജ് വേണമെന്ന് കരാറുകാര്‍

Published : 18th May 2016 | Posted By: SMR

കൊച്ചി: കുടിവെള്ള പദ്ധതികള്‍ പുനരാംരംഭിക്കാന്‍ പ്രത്യേക പാക്കേജ് നടപ്പാക്കാന്‍ കേന്ദ്ര-സംസ്ഥാന സര്‍ക്കാരുകള്‍ തയ്യാറാവണമെന്നു കേരള ജല അതോറിറ്റി കോണ്‍ട്രാക്‌റ്റേഴ്‌സ് സമരസമിതി ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു.
സാമ്പത്തിക പ്രതിസന്ധിമൂലം പ്രധാന നിര്‍മാണ ജോലികള്‍ ഈ മാസം 12 മുതല്‍ നിര്‍ത്തി വച്ചിരിക്കുകയാണ്. പാക്കേജ് അനുവദിച്ചില്ലെങ്കില്‍ അടുത്ത മാസം ഒന്ന് മുതല്‍ ഇപ്പോള്‍ നടക്കുന്ന അറ്റകുറ്റപ്പണികള്‍ അടക്കമുള്ളവ നിര്‍ത്തിവച്ച് സമരം ചെയ്യും. ഭരണാനുമതി നല്‍കി ടെന്‍ഡര്‍ ചെയ്ത ജോലികള്‍ക്കുള്ള കേന്ദ്ര-സംസ്ഥാന സര്‍ക്കാരുകളുടെ വിഹിതം വെട്ടിക്കുറച്ചതാണ് ഇപ്പോഴത്തെ പ്രതിസന്ധിക്കു കാരണം. ഇതിനാല്‍ കേന്ദ്ര-സംസ്ഥാന സര്‍ക്കാരുകള്‍ പ്രത്യേക പാക്കേജായി 200 കോടി രൂപ വീതം ജല അതോറിറ്റിക്കു നല്‍കണം. കരാറുകാര്‍ കൂട്ടധര്‍ണ നടത്തിയതിനെ തുടര്‍ന്ന് പിന്നീട് 73.40 കോടി അനുവദിച്ചതിനാലാണ് ഇപ്പോള്‍ അത്യാവശ്യ അറ്റകുറ്റപ്പണികള്‍ നടക്കുന്നത്. എന്നാല്‍, ഈ മാസം 31ന് ശേഷം ജല അതോറിറ്റി അടച്ചുപൂട്ടല്‍ ഭീഷണി നേരിടുകയാണെന്നും വര്‍ഗീസ് കണ്ണമ്പള്ളി പറഞ്ഞു.

(Visited 35 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക