|    Feb 22 Thu, 2018 6:16 pm
FLASH NEWS

കുടിവെള്ളപൈപ്പ് പൊട്ടിദിവസങ്ങള്‍ കഴിഞ്ഞിട്ടും ഉദ്യോഗസ്ഥര്‍ക്ക് നിസ്സംഗത

Published : 13th May 2017 | Posted By: fsq

 

കൊല്ലങ്കോട്: മീങ്കര കുടിവെള്ള പദ്ധതിയുടെ ഭാഗമായുള്ള ഊട്ടറ റെയില്‍വേ സ്റ്റേഷന്‍ റോഡിലേക്ക് പ്രവേശിക്കുന്ന സ്ഥലത്തിലെ  കുടിവെള്ള പൈപ്പ് പൊട്ടി ദിവസങ്ങള്‍ പിന്നിട്ടിട്ടും അധികൃതര്‍ക്കു നിസ്സംഗത.   കുടിവെള്ളം പാഴാക്കുന്നവര്‍ക്കെതിരേ കര്‍ശന നടപടി എടുക്കുമെന്നു ഉത്തരവിട്ട  ജില്ലാ ഭരണകൂടത്തിന്റെ ഉത്തരവിന് പുല്ലുവിലയാണ്  വാട്ടര്‍ അതോറിറ്റി ജീവനക്കാര്‍ നല്‍കുന്നത്.  പൈപ്പ് പൊട്ടി കുടിവെള്ളം പാഴായി പോകുന്ന വിവരം ശ്രദ്ധയില്‍പ്പെടുത്തിയിട്ടും സൗകര്യപ്പെടുമ്പോള്‍ ശരിയാക്കാം എന്ന നിലപാടാണ് ഉദ്യോഗസ്ഥര്‍ സ്വീകരിക്കുന്നത്. മേഖലയില്‍ കുടിവെള്ളം കിട്ടാതെ  ജനങ്ങള്‍ ഏറെ പ്രയാസം അനുഭവപ്പെടുമ്പോഴാണ് ഉദ്യോഗസ്ഥരുടെ നിരുത്തരവാദിത്വപരമായ നിലപാട്. ഇത്തരം ഉദ്യോഗസ്ഥന്‍മാര്‍ക്കെതിരേ കര്‍ശന നടപടി എടുക്കാത്ത പക്ഷം ജലചൂഷണം നടത്തുന്നവര്‍ക്ക് ജില്ലാ ഭരണകൂടം സംരക്ഷണം നല്‍കുകയാണെന്നും നാട്ടുകാര്‍ ആരോപിക്കുന്നു.  കുടിവെള്ള പൈപ്പുകള്‍ നശിപ്പിക്കുന്നവര്‍ക്കും കുടിവെള്ളം ചൂഷണം ചെയ്യുന്നവര്‍ക്കു മെതിരേ കര്‍ശന നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss