|    Jul 18 Wed, 2018 8:19 pm
FLASH NEWS

കുടിവെള്ളക്ഷാമത്തിന് പരിഹാരം കാണാന്‍ വനിതകളുടെ കൂട്ടായ്മ

Published : 12th March 2018 | Posted By: kasim kzm

രാജാക്കാട്: കുടിവെള്ള ക്ഷാമത്തിന് ശാശ്വത പരിഹാരവുമായി വനിതകള്‍. വാഴത്തോപ്പ് പഞ്ചായത്തില്‍ 14 ആം വാര്‍ഡിലെ തൊഴിലുറപ്പ് തൊഴിലാളികളായ വനിതകളാണ് കിണറുകള്‍ കുഴിച്ച് കുടിവെള്ള ക്ഷാമം പരിഹരിക്കുന്നത്. കഴിഞ്ഞ വര്‍ഷം മാത്രം വാഴത്തോപ്പ് പഞ്ചായത്തില്‍ 14 ആം വാര്‍ഡില്‍ ഈ കൂട്ടായ്മ 6 കിണറുകള്‍ കുഴിച്ചൂ.
ഈ വര്‍ഷവും കിണര്‍ നിര്‍മാണത്തിലാണ് ഇവര്‍ക്ക് താല്‍പ്പര്യം. പെരുങ്കാല ആദിവാസി മേഖലയില്‍ അമ്പഴത്തില്‍ ദാസിന്റെ വീട്ടിലാണ് ഈ വര്‍ഷത്തെ രണ്ടാമത്തെ കിണര്‍ ഇവര്‍ നിര്‍മിച്ചത്. 7 കോല്‍ താഴ്ച്ചയില്‍ കിണര്‍ തീര്‍ന്നതോടെ ജലം ലഭിച്ചൂ. ഇതോടുകൂടി തന്നെ മേഖലയിലെ കുടിവെള്ള ക്ഷാമത്തിന് പരിഹാരമായതായി മേട്രന്‍ സീനാ മോന്‍സി പറയുന്നു. 15 വനിതകളും മൂന്ന് പുരുഷന്‍മാരും അടങ്ങുന്ന സംഘമാണ് കിണര്‍ നിര്‍മ്മാണത്തില്‍ കഴിവ് തെളിയിച്ചിരിക്കുന്നത്. 7 ദിവസം കൊണ്ട് 9 കോല്‍ താഴ്ച്ചയില്‍ ഇവര്‍ കിണര്‍ പൂര്‍ത്തിയാക്കി. 104 തച്ചാണ് ഇതിന് വേണ്ടിവന്നത്. ഇത്തരത്തില്‍ തൊഴിലുറപ്പ് പദ്ധതി ഗുണകരമാക്കിയാല്‍ ഓരോ പ്രദേശത്തെയും കുടിവെള്ള ക്ഷാമത്തിന് പരിഹാരമാവുമെന്ന സന്ദേശമാണ് ഈ കൂട്ടായ്മ നല്‍കുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss