|    May 25 Fri, 2018 12:55 am
FLASH NEWS

കുടിയൊഴിപ്പിക്കുന്നതിനെതിരേ പ്രതിഷേധ സംഗമം

Published : 3rd January 2018 | Posted By: kasim kzm

വടകര: വിപണിവിലയും, പുനരധിവാസവും പ്രഖ്യാപിച്ച് നടപ്പിലാക്കാതെ നിര്‍ദ്ദിഷ്ട തലശ്ശേരി-മാഹി ബൈപ്പാസിലെ അഴിയൂര്‍ ഭാഗത്തെ ഭൂവുടമകളെ കുടിയൊഴിപ്പിക്കുന്നതിനെതിരെ പ്രതിഷേധ സംഗമം സംഘടിപ്പിച്ചു. മാര്‍ക്കറ്റ് വിലയും, പുനരധിവാസവും പ്രഖ്യാപിച്ചു നടപ്പിലാക്കാതെ ഒരിഞ്ചു ഭൂമിപോലും വിട്ടുതരില്ലെന്ന് അഴിയൂരില്‍ നടന്ന സംഗമം പ്രഖ്യാപിച്ചു. കഴിഞ്ഞ 40 വര്‍ഷമായി ബൈപാസിനായി കുടിയൊഴിപ്പിക്കല്‍ ഭീഷണിയില്‍ കഴിയുന്ന ഭൂവുടമകള്‍ നടത്തിയ പ്രതിഷേധ സംഗമം ജില്ല പഞ്ചായത്തഗം എടി ശ്രീധരന്‍ ഉദ്ഘാടനം ചെയ്തു.
വിപണിവിലയും, പുനരധിവാസവും പ്രഖ്യാപിക്കണമെന്ന് യോഗത്തില്‍ പങ്കെടുത്ത ജനപ്രതിനിധികളും, രാഷ്ട്രീയകക്ഷി നേതാക്കളും ആവശ്യപ്പെട്ടു. സമരത്തിലെര്‍പ്പെട്ട ഭൂവുടമകളുമായി അധികൃതര്‍ അടിയന്തരമായി ചര്‍ച്ചയ്ക്ക് തയ്യാറാകണമെന്ന് പ്രതിഷേധസംഗമത്തില്‍ ആവശ്യപ്പെട്ടു.
സമരത്തിലേര്‍പ്പെട്ട കര്‍മസമിതിയുമായി അധികൃതര്‍ അടിയന്തരമായി ചര്‍ച്ചയ്ക്ക് തയ്യാറാകണമെന്നും സംഗമത്തില്‍ ആവശ്യമുയര്‍ന്നു. നാമമാത്രമായ നഷ്ടപരിഹാരം നല്‍കി കുടിയൊഴിപ്പിക്കാനുള്ള റവന്യു അധികൃതരുടെ നടപടിയാണ് അഴിയൂര്‍ മുതല്‍ കക്കടവ് വരെയുള്ള 150 കൈവശക്കാരെ പ്രക്ഷോഭത്തിലേക്ക് നയിച്ചത്. കര്‍മ്മസമിതി ചെയര്‍മാന്‍ ആയിഷ ഉമ്മര്‍ അധ്യക്ഷത വഹിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss