|    Oct 23 Mon, 2017 11:01 pm
FLASH NEWS
Home   >  Todays Paper  >  page 7  >  

കുടിയേറ്റം തുടര്‍ന്നാല്‍ മുംബൈയില്‍ തിരക്കുകൂടും: രാജ് താക്കറെ

Published : 1st October 2017 | Posted By: fsq

 

മുംബൈ: മുംബൈയില്‍ കുടിയേറ്റക്കാര്‍ ഇതു പോലെ തുടരുകയാണെങ്കില്‍ തിക്കിലുംതിരക്കിലും പെട്ട് ഇനിയും ആളുകള്‍ മരിക്കുമെന്നു നവനിര്‍മാണ്‍ സേന നേതാവ് രാജ് താക്കറെ. മുംബൈ എല്‍ഫിന്‍സ്റ്റണ്‍ റെയില്‍വേ സ്റ്റേഷനില്‍ തിരക്കില്‍പ്പെട്ട് 23 പേര്‍ കൊല്ലപ്പെട്ടതിനെ തുടര്‍ന്നാണു താക്കറെയുടെ പ്രതികരണം. മുംബൈയിലെ പ്രാദേശിക ട്രെയിനുകളിലെ അടിസ്ഥാന സൗകര്യം മെച്ചപ്പെടുത്താതെ ബുള്ളറ്റ് ട്രെയിനിന് ഒരു ഇഷ്്ടിക പോലും ഇടാന്‍ അനുവദിക്കില്ല. മറ്റു മതങ്ങളില്‍പ്പെട്ടവരുടെ കുടിയേറ്റം അടിസ്ഥാനസൗകര്യ വികസനങ്ങളുടെ തകര്‍ച്ചയ്ക്കു കാരണമായിട്ടുണ്ടെന്നും താക്കറെ പറഞ്ഞു. ദാദറിലെ വസതിയില്‍ വാര്‍ത്താ ലേഖകരോടു സംസാരിക്കുകയായിരുന്നു അദ്ദേഹം. അപകടം നടന്ന സ്ഥലത്ത് പുതിയ പാലം നിര്‍മിക്കണമെന്ന് ആവശ്യപ്പെട്ടു പാര്‍ട്ടി നേതാവ് ബാല നന്ദഗാവ്ങ്കര്‍ നേരത്തെ അധികൃതര്‍ക്ക് കത്തു നല്‍കിയിരുന്നു. എന്നാല്‍ ആ വിഷയത്തില്‍ അധികൃതര്‍ ഒരു നടപടിയും  സ്വീകരിച്ചില്ല. എംഎംആര്‍ഡിഎയെ സമീപിക്കാനായിരുന്നു അധികൃതരുടെ നിര്‍ദേശം. റെയില്‍വേയുടെ അടിസ്ഥാനസൗകര്യ വികസനത്തിന് കകോദ്കര്‍ കമ്മിറ്റി ഒരു കോടി ലക്ഷം രൂപ ചിലവഴിച്ചെങ്കിലും ഒരു നടപടിയും കൈക്കൊണ്ടില്ല. പകരം അതേ തുക ചെലവാക്കി ബുള്ളറ്റ് ട്രെയിന്‍ പദ്ധതി നടപ്പാക്കുകയാണെന്ന് താക്കറെ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക