|    Nov 18 Sun, 2018 4:00 pm
FLASH NEWS
Home   >  Todays Paper  >  page 9  >  

കുടിയേറ്റം: ട്രംപ് ഹോണ്ടുറാസിന് സഹായം നിര്‍ത്തലാക്കും

Published : 18th October 2018 | Posted By: kasim kzm

വാഷിങ്ടണ്‍: ഹോണ്ടുറാസിന് നല്‍കിവരുന്ന സാമ്പത്തിക സഹായം യുഎസ് നിര്‍ത്തലാക്കുമെന്നു സൂചന. ഹോണ്ടുറാസില്‍ നിന്നു നിരവധി പേരാണ് അനധികൃതമായി യുഎസിന്റെ അതിര്‍ത്തി ലംഘിക്കുന്നത്. ഹോണ്ടുറാസില്‍ നിന്നുള്ള അനധികൃത കുടിയേറ്റക്കാര്‍ മടങ്ങിപ്പോവുകയോ അവരുടെ വരവ് നിലയ്ക്കുകയോ ചെയ്തില്ലെങ്കില്‍ സാമ്പത്തിക സഹായം നിര്‍ത്തലാക്കുന്നത് ആലോചിക്കുമെന്നാണ് ട്രംപ് ട്വീറ്റ് ചെയ്തത്.
ഓരോ ആഴ്ചയും 1500ലധികം പേരാണ് ഹോണ്ടുറാസില്‍ നിന്ന് അഭയാര്‍ഥികളായി മറ്റു രാജ്യങ്ങളിലേക്കു കടക്കുന്നത്. ദാരിദ്ര്യവും അഴിമതിയും കാരണം അരാജകത്വം നിലനില്‍ക്കുന്ന ഹോണ്ടുറാസ് ലോകത്തിലെ ഏറ്റവും ഉയര്‍ന്ന കൊലപാതക നിരക്കുള്ള രാജ്യമാണ്. 2016-17 വര്‍ഷത്തില്‍ 175 മില്യണ്‍ ഡോളറാണ് യുഎസ് ഹോണ്ടുറാസിനു സാമ്പത്തിക സഹായം നല്‍കിയത്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss