|    Nov 15 Thu, 2018 5:51 pm
FLASH NEWS
Home   >  Todays Paper  >  page 9  >  

കുടിക്കാന്‍ വരട്ടെ; കുപ്പിവെള്ളത്തില്‍ പ്ലാസ്റ്റിക് അംശം

Published : 16th March 2018 | Posted By: kasim kzm

ന്യൂയോര്‍ക്ക്: പ്ലാസ്റ്റിക് കുപ്പികളില്‍ ലഭിക്കുന്ന കുടിവെള്ളം ഉപയോഗിക്കുന്നവര്‍ക്ക് ജാഗ്രതാ നിര്‍ദേശവുമായി ലോകാരോഗ്യ സംഘടന.  കുപ്പിവെള്ളത്തില്‍ 90 ശതമാനം പ്ലാസ്റ്റിക് ചെറുകണങ്ങള്‍ അടങ്ങിയിരിക്കുന്നുവെന്നാണ് കണ്ടെത്തല്‍.
ഒമ്പത് രാജ്യങ്ങളില്‍ നിന്നു ശേഖരിച്ച 259 കുപ്പി കുടിവെള്ളത്തില്‍ നടത്തിയ പരിശോധനയിലാണ് ആരോഗ്യത്തിന് ഹാനികരമായ അളവില്‍  പ്ലാസ്റ്റിക് കണങ്ങളും ശരീരത്തില്‍ പ്രവേശിക്കുന്നതായി കണ്ടെത്തിയത്. ഓരോ ലിറ്റര്‍ വെള്ളത്തിലും 325 വ്യത്യസ്ത പ്ലാസ്റ്റിക് കണങ്ങള്‍ വെള്ളം കുടിക്കുമ്പോള്‍ നമ്മുടെ ശരീരത്തിലെത്തുന്നു.
പോളിപ്രൊപ്ലിനാണ് വെള്ളത്തില്‍ ഏറ്റവും കൂടുതല്‍ കണ്ടെത്തിയ ഘടകം. യുഎസ്, ചൈന, ബ്രസീല്‍, ഇന്ത്യ, ഇന്തോനീസ്യ, മെക്‌സിക്കോ, ലബ്‌നാന്‍, കെനിയ, തായ്‌ലന്‍ഡ് എന്നിവിടങ്ങളില്‍ നിന്നുള്ള സാംപിളുകളിലാണ് പരിശോധന നടത്തിയത്. ഇന്ത്യയില്‍ കൂടുതല്‍ വിറ്റഴിക്കുന്ന അക്വ,  ബിസ്‌ലെറി,പെപ്‌സി കമ്പനിയുടെ അക്വഫിനാ തുടങ്ങിയ സാംപിളുകളും പരിശോധിച്ചവയില്‍പ്പെടും. അതേസമയം, നെസ്‌ലേ, കൊക്കകോല എന്നീ കമ്പനികള്‍ റിപോര്‍ട്ടിനെതിരേ രംഗത്തുവന്നിട്ടുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss