|    Jul 24 Mon, 2017 8:30 pm
FLASH NEWS
Home   >  Todays Paper  >  Page 5  >  

കുഞ്ഞാലിക്കുട്ടി പത്രിക നല്‍കി

Published : 28th April 2016 | Posted By: SMR

വേങ്ങര(മലപ്പുറം): വേങ്ങരയിലെ യുഡിഎഫ് സ്ഥാനാര്‍ഥി പി കെ കുഞ്ഞാലിക്കുട്ടി ഉപവരണാധികാരി വേങ്ങര ബിഡിഒ ബി ശ്രീബാസ് മുമ്പാകെ നാമനിര്‍ദേശപത്രിക സമര്‍പ്പിച്ചു. സ്ഥാനാര്‍ഥിക്ക് എല്‍ഐസി, വാഹനം എന്നിവ ഉള്‍പ്പെടെ 73,12,018.27 രൂപയുടെ ആസ്തിയുണ്ട്. ഭാര്യയുടെ കൈവശം 2.5 ലക്ഷം രൂപയ്ക്കു പുറമേ വിവിധ ബാങ്ക് അക്കൗണ്ടുകള്‍, എല്‍ഐസി, വാഹനം, സ്വര്‍ണം എന്നിവ ഉള്‍പ്പെടെ 2,31,38676.55 രൂപയുണ്ട്. പി കെ കുഞ്ഞാലിക്കുട്ടിക്ക് പാണക്കാട് വില്ലേജിലുള്ള കാരാത്തോട്ടെ ഒരു ഏക്കര്‍ 18 സെന്റ് പുരയിടവും വിവിധ വില്ലേജുകളിലായി 13 ഏക്കര്‍ 22 സെന്റ് കൃഷി ഭൂമിയുണ്ട്. മലപ്പുറം പാണ്ടി ലോഡ്ജിന്റെ മൂന്നിലൊന്ന് പങ്ക്, മേല്‍മുറി, കാരാത്തോട്, എന്നിവിടങ്ങളില്‍ 16,00,000 രൂപയുടെ കെട്ടിടം എന്നിവയും ഭാര്യക്ക് ചുങ്കത്തറ, കോഴിക്കോട് എന്നിവിടങ്ങളില്‍ 60,00,000ത്തിന്റെ കെട്ടിടവുമുണ്ട്. കൂടാതെ, ഭാര്യയുടെ പേരില്‍ കാര്‍, വീട് എന്നിവക്കായി 13,88,802.55 രൂപ വായ്പ എടുത്തതായും പത്രികയില്‍ പറയുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക