|    Aug 21 Tue, 2018 1:43 pm
FLASH NEWS
Home   >  Kerala   >  

കീഴാറ്റൂര്‍ : ത്രിഡി നോട്ടിഫിക്കേഷന്‍ താല്‍ക്കാലികമായി മരവിപ്പിച്ചു

Published : 28th July 2018 | Posted By: G.A.G

കണ്ണൂര്‍: കീഴാറ്റൂരില്‍ വയല്‍ നികത്തി ദേശീയ പാത നിര്‍മ്മിക്കാനുള്ള അലൈന്‍മെന്റ് സംബന്ധിച്ച ജൂലായ് 13 ന് കേന്ദ്ര ഉപരിതല ഗതാഗത വകുപ്പ് പുറത്തിറക്കിയ ത്രിഡി നോട്ടിഫിക്കേഷന്‍ താല്‍ക്കാലികമായി മരവിപ്പിച്ചു. ബിജെപി നേതാക്കള്‍ വയല്‍ക്കിളികളെ അറിയിച്ചതാണിത്. വിഷയത്തില്‍ ചര്‍ച്ച നടത്തുന്നതിനായി വയല്‍ക്കിളി നേതാക്കളെ ഡല്‍ഹിയിലേക്ക് വിളിപ്പിച്ചിട്ടുണ്ട്. ഓഗസ്റ്റ് ആദ്യവാരം വയല്‍ക്കിളി നേതാക്കളുമായി ദേശീയപാതാ അധികൃതര്‍ ചര്‍ച്ചനടത്തുമെന്നാണ് സൂചന. കേന്ദ്ര ഉപരിതല ഗതാഗത വകുപ്പിന്റെ കീഴില്‍ വെള്ളിയാഴ്ച ചേര്‍ന്ന യോഗത്തില്‍ നോട്ടിഫിക്കേഷന്‍ മരവിപ്പിക്കുന്നത്് സംബന്ധിച്ച തീരുമാനമുണ്ടായിരുന്നു.
വെള്ളിയാഴ്ച  കീഴില്‍ ഒരു യോഗം ചേര്‍ന്നിരുന്നു. ഈ യോഗത്തില്‍ വെച്ചാണ് ഇത്തരമൊരു തീരുമാനമുണ്ടായത്.
കീഴാറ്റൂര്‍ പാടശേഖരത്തിലൂടെ ദേശീയപാത നിര്‍മിച്ചാല്‍ പാരിസ്ഥികാഘാതത്തിന് കാരണമാകുമെന്ന് വനം പരിസ്ഥിതി മന്ത്രാലയം നടത്തിയ പഠനത്തില്‍ ബോധ്യമായിരുന്നു. ഇതിന്റെ അടിസ്ഥാനത്തിലാണ്  പുതിയ തീരുമാനം. ബദലുകളില്ലെങ്കില്‍ മാത്രമേ നേരത്തേ പുറത്തിറക്കിയ അലൈന്‍മെന്റ് പരിഗണിക്കാവൂയെന്നാണ് പഠന റിപ്പോര്‍ട്ടില്‍ പറയുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss